سچ خبریں: عزالدین قسام بریگیڈز کے ترجمان نے ایک اہم ویڈیو پیغام میں اعلان کیا کہ 200 سے 250 اسرائیلی قیدی مجاہدین کے پاس ہیں جن میں سے 200 افراد قسام کی قید میں ہیں۔
رویا الاخباری ویب سائٹ کی رپورٹ کے مطابق عزالدین قسام بریگیڈز کے ترجمان ابو عبیدہ نے پیر کی شام ایک اہم ریکارڈ شدہ پیغام میں اعلان کیا کہ قابضین مجاہدین کا مقابلہ کرنے کی بجائے غزہ کے بے گھر لوگوں پر اپنے جان بوجھ کر وحشیانہ حملوں سے اپنی عبرتناک شکست کو چھپانے کی کوشش کر رہے ہیں۔
یہ بھی پڑھیں: صیہونی قیدیوں کے سلسلہ میں قابض حکومت کی بے حسی
القسام کے ترجمان نے مزید کہا کہ ہمارے پاس متعدد افراد ہیں جن کے پاس مختلف ممالک کی شہریت ہے جبکہ پکڑے جانے کے دوران ان کی شناخت اور شہریت کو یقینی بنانا ممکن نہیں تھا۔
ابو عبیدہ نے کہا کہ ہم قیدیوں کے معاملے کے ذریعے ہر فلسطینی کے گھر میں خوشی لانے کے لیے پرعزم ہیں، یہ وہ وعدہ ہے جو ہم نے اپنے آپ سے کیا ہے۔
ابو عبیدہ کے مطابق کہ اس فلسطینی گروپ کے زیر حراست قیدیوں کی تعداد 200 سے 250 کے درمیان ہے اور اس تعداد میں اضافے کا امکان ہے۔
حماس کی فوجی شاخ کے ترجمان نے صیہونی حکومت کی جانب سے غزہ پر زمینی حملے کی دھمکی کے بارے میں کہا کہ غزہ جارحین کا قبرستان بنے گا اور اس کی ریت دشمنوں کو نگل جائے گی، جارحین کی آمد ان کے جرائم پر انہیں سزا دینے کا ایک نیا موقع ہوگا۔
مزید پڑھیں: ہم صیہونی جیلوں میں موجود تمام فلسطینی قیدیوں کی رہائی کے لیے کام کر رہے ہیں:حماس
انہوں نے واضح کیا کہ طوفان الاقصیٰ جنگ کے آغاز کے 10 دن بعد آج ہم قسام بٹالینز ڈٹی ہوئی ہیں اور تمام میدانوں میں اپنی عظیم قوم اور فلسطینی مجاہدین کو سلام کرتے ہیں۔
ابو عبیدہ نے مزید کہا کہ صہیونی دشمن ہمیشہ بغیر پوچھ گچھ اور سزا کے کہیں بھی حملہ اور بمباری کرتا ہے۔
