فلسطینی قومی اور اسلامی تنظیموں کی صیہونیوں کے ساتھ ہمہ گیر تصادم کی اپیل

?️ 28 جولائی 2022

سچ خبریں:فلسطینی قوم کے خلاف صیہونی حکومت کے مجرمانہ اقدامات میں اضافے کے بعد، فلسطینی قومی اور اسلامی تنطیموں نے ایک بیان میں ہر طرح سے صیہونیوں کا مقابلہ کرنے کا مطالبہ کیا ہے۔
فلسطینی قومی اور اسلامی تنظیموں کے سربرہان نے اعلان کیا ہے کہ فلسطینی قوم کے خلاف صیہونی حکومت کے معاندانہ اور مجرمانہ اقدامات نیز اس حکومت کی منظم دہشت گردی اس قوم کے آزادی حاصل کرنے کے عزم اور موقف کو متاثر نہیں کرے گی۔

القدس العربی کی رپورٹ کے مطابق فلسطینی قومی اور اسلامی تنظیموں نے اپنے اجلاس میں ایک بیان جاری کیا جس میں غاصب صیہونی حکومت کا ہمہ جہت مقابلہ کرنے پر زور دیا گیا ہے، رپورٹ کے مطابق مذکورہ بیان میں کہا گیا ہے کہ صیہونی حکومت کے پے درپے حملے اور راکٹوں کے ذریعے قتل و غارت گری کے واقعات اس بات کو ظاہر کرتے ہیں کہ فلسطینی قوم کو نشانہ بنانے میں غاصب حکومت کی بربریت کا سلسلہ بدستور جاری ہے اور اس دوران روزانہ کی بنیاد پر متعدد افراد شہید ہوچکے ہیں۔

بیان میں یہودی آباد کاروں کے فلسطینی شہریوں پر روزانہ حملوں، درختوں کی کٹائی اور وقت اور جگہ کی تقسیم کے مقصد سے مسجد اقصیٰ پر حملے کا ذکر کیا گیا اور کہا گیا کہ ان اقدامات سے فلسطینی قوم کی مزاحمت کو تقویت ملتی ہے اور اس میں شدت آتی ہے۔