فاتح کمانڈروں کے خون کا بدلہ خطے سے امریکہ کی بے دخلی اور صیہونی حکومت کی تباہی ہے: عراقی مزاحمتی تحریک

?️ 3 جنوری 2022

سچ خبریں:عراق کی عصائب اہل الحق تحریک کے سکریٹری جنرل نے صیہونی حکومت کی تباہی اور خطے سے امریکہ کی بے دخلی کو مزاحمتی کمانڈروں کے خون کا بدلہ لینے کا واحد راستہ قرار دیا۔
المیادین چینل کی رپورٹ کے مطابق عراق کی عصائب اہل الحق تحریک کے سکریٹری جنرل شیخ قیس الخزعلی نے تہران میں منعقد ہونے والی فتح کے کمانڈرز جنرل قاسم سلیمانی اور ابو مہدی المہندس کی شہادت کی دوسری برسی کے موقع پر خطاب کے دوران شہیدسلیمانی پر حملے کو ملت اسلامیہ پر حملہ قرار دیتے ہوئے کہا کہ ہر مسلمان کو اس حملے کا بدلہ لینے کا حق ہے۔

انہوں نے کہا کہ شہید کمانڈروں کا انتقام عراق سے امریکی افواج کے انخلاء اور صیہونی حکومت کی تباہی کو قرار دیا، شیخ الخزعلی نے مزید کہا کہ امریکی عراقیوں کودھوکہ دے رہے ہیں اور صیہونی حکومت کی سلامتی کے لیے اس ملک میں رہنا چاہتے ہیں اور یہاں اپنی فوجی موجودگی کو برقرار رکھنا چاہتے ہیں۔

انہوں نے مزید کہا کہ عراقی عوام 2012 میں ایک بار امریکی قابضین کو اپنی سرزمین سے نکال باہر کرنے میں کامیاب ہوئے تھے اور اس بار بھی اس جنگ میں ان کی فتح ہوگی،یادرہے کہ الخزعلی نے گزشتہ ہفتے کے روز بغداد میں لاکھوں عراقیوں کی ریلی میں تقریر کرتے ہوئے اس بات پر زور دیا کہ عراقی عوام قبضے کو قبول نہیں کر سکتے اور امریکی دہشت گرد افواج کو اپنی روانگی کے لیے مقررہ وقت کے بعد نئے سال میں جلد از جلد ملک سے نکل جانا چاہیے۔