غزہ پر ایمرجنسی اجلاس کی تاریخ ملتوی؛ وجہ ؟ 

سچ خبریں: کئی سفارتکاروں نے میڈیا کو بتایا ہے کہ اقوام متحدہ کی سلامتی کونسل کا غزہ میں اسرائیلی منصوبوں پر ایمرجنسی اجلاس اتوار کو موخر کر دیا گیا ہے۔

کل جمعے کو الجزیرہ نیٹ ورک کو ڈپلومیٹک ذرائع نے بتایا تھا کہ سلامتی کونسل ہفتے کے روز (آج سنیچر) غزہ پٹی پر اسرائیلی قبضے کے منصوبے پر تبادلہ خیال کے لیے ایمرجنسی اجلاس بلائے گی۔

ذرائع کے مطابق، روس، چین، صومالیہ اور الجزائر نے غزہ پٹی پر اسرائیلی قبضے کے منصوبوں کا جائزہ لینے کے لیے سلامتی کونسل کا فوری اجلاس بلانے کی حمایت کی ہے۔

اسی دوران، برطانیہ، ڈنمارک، فرانس، یونان اور سلووینیا نے بھی غزہ پر اسرائیلی قبضے کے منصوبے پر بحث کے لیے سلامتی کونسل کا فوری اجلاس طلب کرنے کی درخواست دی ہے۔

یہ حمایت اس وقت سامنے آئی ہے جب اسرائیل کے تنازعات بڑھانے کے اقدامات پر بین الاقوامی ردعمل میں تیزی آ رہی ہے۔

اس سے قبل، فلسطینی خودمختار اتھارٹی کے اقوام متحدہ کے نمائندے نے کہا تھا کہ متعدد ممالک جلد ہی غزہ پر سلامتی کونسل کا اجلاس طلب کریں گے۔

ریاض منصور نے کہا کہ صیہونی حکومت کے غزہ شہر پر قبضے کو روکنے کے لیے فوری اقدامات کی ضرورت ہے۔

انہوں نے زور دے کر کہا کہ نیتن یاہو کی قیادت میں اسرائیلی کابینہ غزہ میں ایک خطرناک منصوبہ لاگو کرنے کی کوشش کر رہی ہے۔ فی الحال ہمیں امن قائم کرنا اور غزہ کے فلسطینیوں کو کھانا فراہم کرنا چاہیے، نہ کہ ان کا قتل عام۔ ہم ایک نازک موڑ پر کھڑے ہیں، اور غزہ میں جنگ جاری نہیں رہنی چاہیے۔