غزہ میں کنڈرگارٹن پر صیہونی بمباری

🗓️ 4 فروری 2024

سچ خبریں: غزہ کی پٹی پر اپنے وحشیانہ حملوں میں صیہونی فوج نے اس پٹی میں کنڈرگارٹنز اور ایندھن کے ڈپو کو بھی نہیں بخشا ہے اور شہری تنصیبات اور سیکٹروں پر بمباری کی ہے۔

فلسطین الیوم چینل کی رپورٹ کے مطابق اسرائیلی فوج نے غزہ کی پٹی کے جنوب میں واقع شہر رفح میں فلسطینی پناہ گزینوں کی پناہ گاہ بننے والے ایک کنڈرگارٹن کو نشانہ بنایا۔

اس حملے کے دوران ایک فلسطینی بچی شہید ہو گئی، الجزیرہ کے رپورٹر نے یہ بھی اطلاع دی ہے کہ صہیونی غاصبوں نے خان یونس کے مشرق میں ایک اسپتال کے قریب ایک ایندھن کے ڈپو کو نشانہ بنایا۔

یہ بھی پڑھیں: غزہ میں صیہونی حکومت کے جنگی جرائم پر ہیومن رائٹس واچ کی رپورٹ

اس حملے کے دوران ایک فلسطینی شہید اور متعدد زخمی ہوئے،دوسری جانب غزہ کی پٹی کی وزارت صحت کے ڈائریکٹر جنرل منیر البرش نے تاکید کی کہ اس پٹی کے شمال سے صیہونی غاصب فوج کے انخلاء کے بعد درجنوں فلسطینی شہداء کے جسد خاکی کو کمال عدوان اسپتال منتقل کیا گیا۔

انہوں نے مزید کہا کہ ان لاشوں میں تقریباً کچھ بھی نہیں بچا ہے، گزشتہ روز غزہ کی وزارت صحت نے ایک بیان جاری کرکے اعلان کیا تھا کہ صیہونی حکومت نے 24 گھنٹوں کے اندر غزہ میں 12 جرائم کا ارتکاب کیا ہے جس کے نتیجے میں 107 فلسطینی شہید اور 165 زخمی ہوئے ہیں۔

مزید پڑھیں: جرمنی بھی صیہونی جارحیت کے خلاف بولنے پر مجبور

اس بیان کے مطابق اس علاقے میں صیہونی حکومت کی جارحیت کے آغاز سے اب تک غزہ میں شہید ہونے والوں کی تعداد 27 ہزار 238 سے تجاوز کر گئی ہے اور زخمیوں کی تعداد 66 ہزار 452 تک پہنچ گئی ہے۔