غزہ میں کام کرنے والے صحافیوں کو قتل کر دینا چاہیے:صہیونی ٹی وی تجزیہ کار

اسرائیلی ٹی وی چینل آئی 24 نیوز کے ایک تجزیہ کار نے براہِ راست پروگرام میں مطالبہ کیا ہے کہ غزہ میں کام کرنے والے صحافیوں اور نامہ نگاروں کو قتل کر دینا چاہیے کیونکہ وہ اسرائیل کی پروپیگنڈا مہم کو نقصان پہنچا رہے ہیں۔

اسرائیلی اخبار معاریو کے مطابق، صاوی یخزکیلی نامی یہ تجزیہ کار، جو خود کو عرب دنیا کا ماہر قرار دیتا ہے، نے لائیو شو میں کہا کہ غزہ میں موجود صحافی دراصل حماس کے ملازمین ہیں اور ان کا خاتمہ ضروری ہے۔

یخزکیلی نے مزید کہا اگر واضح طور پر بات کریں تو اسرائیل نے فیصلہ کر لیا ہے کہ صحافیوں اور رپورٹرز کو ختم کرنا ہوگا۔ یہ کام چاہے دیر سے شروع ہوا ہے لیکن دیر سے ہونا بھی نہ ہونے سے بہتر ہے۔