سچ خبریں: فلسطینی وزارت صحت نے تصدیق کی ہے کہ غزہ کے اسپتال پر وحشیانہ اور مہلک اسرائیلی حملے کے تمام متاثرین عام شہری تھے۔
ٹاس نیوز ایجنسی کی رپورٹ کے مطابق فلسطینی وزارت صحت کی تصدیق کے مطابق غزہ کی پٹی کے المعمدانی اسپتال پر صہیونیوں کے وحشیانہ حملے کا نشانہ بننے والے تمام افراد عام شہری تھے۔
یہ بھی پڑھیں؛ غزہ اسپتال پر صیہونی بمباری پر روس کا ردعمل
فلسطینی وزارت صحت کے ترجمان نے الجزیرہ کو انٹرویو دیتے ہوئے کہا کہ غزہ کے اسپتال پر حملے میں شہید ہونے والے تمام افراد عام شہری تھے نیز تمام زخمی بھی عام شہری ہیں۔
انہوں نے تاکید کی کہ اس ہسپتال پر فلسطینیوں اور اسرائیلیوں کے درمیان ہونے والی پچھلی کسی جنگ میں کبھی بھی حملہ نہیں ہوا ، اب ہم غزہ کے دوسرے ہسپتالوں کے بارے میں پریشان ہیں۔
مزید پڑھیں: غزہ کے ہسپتالوں کی صورتحال؛اقوام متحدہ کی زبانی
یاد رہے کہ گذشتہ رات غزہ کے وسط میں واقع المعمدانی اسپتال پر صیہونی جنگی طیاروں کے وحشیانہ حملے کے نتیجے میں سیکڑوں افراد شہید اور زخمی ہوئے ہیں جن میں زیادہ تر خواتین اور بچے ہیں، تاہم اقوام متحدہ سمیت حقوق انسانی کے ٹھیکیداروں اور عالمی برادری نے ابھی تک مذکورہ صیہونی جارحیت اور درندگی پر کسی طرح کے کسی رد عمل کا اظہار نہیں کیا ہے۔