عراق کے اعلیٰ حکام کا غزہ کی خواتین کے مصائب پر رد عمل سامنے آگیا

عراق کے اعلیٰ حکام کا غزہ کی خواتین کے مصائب رد عمل سامنے آگیا

بغداد میں منعقدہ ایک تقریب کے دوران عراق کے وزیرِاعظم، صدر اور پارلیمنٹ کے اسپیکر نے غزہ کی خواتین پر صہیونی مظالم کے خلاف سخت موقف اپنایا اور عالمی برادری کو ان مظالم کو روکنے میں ناکامی پر شدید تنقید کا نشانہ بنایا۔

عراقی خبررساں ادارے واع کے مطابق، وزیرِاعظم محمد شیاع السودانی نے صفر کی پہلی تاریخ کو "اسلامی دنِ انسدادِ تشدد بر ضد خواتین” کے موقع پر منعقدہ سالانہ تقریب میں خطاب کرتے ہوئے کہا:

"ہم غزہ کی مظلوم خواتین کے مصائب کو یاد کرتے ہیں جو صہیونی محاصرے میں بدترین انسانی جرائم، خصوصاً بھوک اور قحط کا سامنا کر رہی ہیں۔ افسوس کہ عالمی برادری نہ تو اپنی اخلاقی اور نہ ہی قانونی ذمہ داریاں پوری کر رہی ہے۔”

عراقی صدر عبداللطیف رشید نے بھی تقریب سے خطاب میں کہا کہ فلسطینی عوام، بالخصوص خواتین، روزانہ کی بنیاد پر قتل و غارت اور ظلم کا نشانہ بن رہی ہیں۔ یہ اقدامات کھلی نسل پرستی اور دوہرے معیار کی پالیسی کا ثبوت ہیں۔

پارلیمنٹ کے اسپیکر محمود مشہدانی نے کہا:

"ہم غزہ کی خواتین کو سلام پیش کرتے ہیں اور ان پر فخر کرتے ہیں جنہوں نے نام نہاد عالمی اداروں اور صہیونی ایجنڈے پر کام کرنے والے گروہوں کو بے نقاب کر دیا، وہی ادارے جو ہمیں خواتین کے حقوق کے نعروں سے بہرا کر چکے تھے، آج خود رسوا ہو چکے ہیں۔”

عراقی قیادت نے واضح کیا کہ وہ فلسطینی عوام کے ساتھ کھڑے ہیں اور عالمی خاموشی کو انسانی حقوق کے دعووں کے منہ پر طمانچہ سمجھتے ہیں۔