عراقی وزیر اعظم کی الحشد الشعبی کی پریڈ میں شرکت

?️ 26 جون 2021

سچ خبریں:عراقی وزیر اعظم نےاس ملک کی عوامی تنظیم الحشد الشعبی کی ساتویں سالگرہ کے موقع پر اس تنظیم کی فورسز کی فوجی پریڈ میں شرکت کی اور خطاب کرتے ہوئے کہا کہ آپ نے تکفیری دہشت گردی کو کچل دیا۔
سومریہ نیوز ایجنسی کی رپورٹ کے مطابق ، عراق کی مزاحمتی تنظیم الحشد الشعبی کے قیام کی ساتویں سالگرہ کے موقع پر اس کے ارکین کی فوجی پریڈ آج ہفتے کے روز ، صوبہ دیالی میں منعقد ہوئی، رپورٹ کے مطابق عراقی وزیر اعظم مصطفی الکاظمی نے اس تقریب میں شرکت کی اور تقریر کی جس میں انھوں نے الحشد الشعبی سے خطاب کرتے ہوئے کہاکہ آپ نے تکفیری دہشت گردی کو کچل دیا۔

عراقی وزیر اعظم نے مزید کہاکہ الحشد الشعبی کے جوان عراق کے جوان ہیں اور ان کے ساتھ ہی عراق اپنا تاریخی مقام دوبارہ حاصل کرسکے گا،الکاظمی نے یہ بھی زور دیاکہ آج اس عوامی تنظیم پر بہت ساری ذمہ داریاں عائد ہوتی ہیں، انھوں نے اس تنظیم کی ساتویں سالگرہ پر اس مزاحمتی گروپ کے مجاہدین کو مبارکباد پیش کی اور کہاکہ ہمیں عوامی تحریک کے بہادرانہ اقدامات اور ان کے اہل خانہ کی قربانیوں کو سراہنے کی ضرورت ہے۔

واضح رہے کہ آیت اللہ سید علی ال سیستانی کو13 جون 2014 ان کےتاریخی فتوی کے ساتھ اس عراقی عوام اور فوجی تنظیم کے بانی کے طور پر جانا جاتا ہے جنہوں نے دہشتگردوں کے خلاف جہاد کا فتوی دیا تھا جس سے یہ تنظیم وجود میں آئی ،یادرہے کہ الحشد الشعبی کا ابتدائی مرکز عراق میں شیعوں کے درمیان تھا ،تاہم اس کے بعد سے ، سنیوں ، کردوں ، عیسائیوں اور یزیدیوں سمیت دیگر عراقی گروہوں نےبھی اس میں حصہ لیا ۔

سابق عراقی وزیر اعظم حیدر العبادی نے 24 فروری ، 2016 کو داعش کے خلاف جنگ کے آخری مہینوں میں اس تنظیم کو عراقی مسلح افواج کی براہ راست کمانڈ کے تحت ایک آزاد تنظیم قرار دیتے ہوئے ایک سرکاری فرمان جاری کیا جس کے بعدالحشد الشعبی عراقی فوج کا حصہ قرار پائی ۔