عراقی شہر اربیل کے حریر اڈے سے امریکی لڑاکا فوجیوں کا انخلا

?️ 22 دسمبر 2021

سچ خبریں:عراقی جوائنٹ آپریشنز کمانڈ کے ترجمان نے اربیل میں حریر بیس کو امریکی لڑاکا افواج سے خالی کرانے کا اعلان کیا ہے۔
عراقی جوائنٹ آپریشنز کمانڈ نے اربیل میں حریر بیس کو بین الاقوامی اتحاد سے وابستہ جنگی دستوں سے خالی کرانے کا اعلان کیا،عراقی جوائنٹ آپریشنز کمانڈ کے ترجمان تحسین الخفاجی نے العراقیہ نیوز چینل کو بتایا کہ عراق سے بین الاقوامی اتحادی افواج کا انخلاء شروع ہوچکا ہے اور اب حریر اڈے پر کوئی اتحادی فوج موجود نہیں ہے۔

اس بات کا ذکر کرتے ہوئے کہ بین الاقوامی اتحاد کی لڑاکا افواج اس سال کے اختتام سے پہلے مکمل طور پر عراق سے چلی جائے گی، انہوں نے کہا کہ انسداد دہشت گردی کے سلسلہ میں مشورے دینے والے مشیروں کی صرف ایک مختصر تعداد باقی رہ جائے گی۔

الخفاجی نے زور دیا کہ امریکی مشیران عین الاسد اور حریر کے دو اڈوں پر موجود ہوں گے،دریں اثناء عراقی مسلح افواج کے ترجمان تحسین الخفاجی نے کل کہا کہ مغربی عراق کے صوبہ الانبار میں واقع عین الاسد اڈے سے امریکی فوجیوں کا انخلاء مکمل ہو گیا ہے،انہوں نے اسپوٹنک نیوز ایجنسی کو بتایا کہ اس وقت بیس پر صرف مشاورتی دستے موجود تھے۔

الخفاجی نے زور دے کر کہا کہ عراق سے تمام امریکی لڑاکا فوجیوں کے انخلاء کا اعلان 31 دسمبر کو کیا جائے گا درایں اثناعراقی مسلح افواج کے کمانڈر انچیف کے ترجمان یحیی رسول نے بھی ہفتے کے روز کہا کہ غیر ملکی لڑاکا دستے عین الاسد بیس کے اندر سے زیادہ تر علاقہ چھوڑ چکے ہیں۔