عالمی تیل منڈی پرسعودی تیل تنصیبات پر حملوں کے اثرات

🗓️ 27 مارچ 2021

سچ خبریں:بلومبرگ نیوز نے اطلاع دی ہے کہ یمنی فورسز کے سعودی آرمکو کمپنی کی تیل تنصیبات پر حملے سے دنیا میں تیل کی قیمت میں اضافہ ہوا ہے۔
بلومبرگ نیوز ایجنسی سے آرٹی عربی کے حوالہ سے بتایا ہے کہ جمعہ کویمن کی جانب سے سعودی عرب میں تیل کی تنصیبات پر حملہ کرنے کے بعد تیل کی قیمتوں میں اضافہ ہوا ہے کیونکہ سعودی عرب دنیا میں سب سے بڑے تیل پیدا کرنے والے ممالک میں سے ایک ہے،رپورٹ کے مطابق ویسٹ ٹیکساس انٹرمیڈیٹ فیوچر ماسکو کے وقت صبح 9.15 بجے تک 59.36 ڈالر فی بیرل میں رہا ، جو گذشتہ قیمتوں سے 1.37 فیصد زیادہ ہے، بلومبرگ کے مطابق برینٹ کروڈ کی پچھلی آباد کاری سے 1.18 فیصد اضافے کے ساتھ 62.68 ڈالر فی بیرل کا کاروبار ہواجبکہ یمنی کاروائی کے جواب میں سعودی وزارت دفاع نے صرف حملے کی مذمت پر اکتفا کی۔

ادھر جاپانی کنٹینر جہاز کے سویز نہر میں ڈوبنے کی وجہ سے بھی تیل کی قیمتوں میں رکاوٹ ہے جس کی وجہ سے تیل کی فراہمی کے خدشات لاحق ہیں جبکہ تیل کی عالمی مانگ کے بارے میں معاشی پریشانیوں کا سبب کرونا وائرس بحران ہے جس سے تیل کی آمدنی محدود ہوئی ہے۔

واضح رہے کہ یمنی مسلح افواج کے ترجمان نے کہا کہ یوم قومی استحکام آپریشن کامیاب رہا اور راس تنوره، رابغ، ینبع اور جیزان میں واقع سعودی آرمکو کمپنی کی تنصیبات پر صمد 3 یو اے وی اور 8 ذوالفقار ، بدر اور سیر بیلسٹک میزائل کے ذریعہ نشانہ بنایا گیا ،درایں اثنا سعودی وزارت توانائی نے یمنی فورسز کے ایک ڈرون حملے میں صوبہ جیزان میں سعودی تیل کی تنصیبات کے ایک ٹینک کو تباہ ہونے کا اعلان کیا ہے،تاہم حملے سے ہونے والے نقصان کی مقدار کا اندازہ لگانے کے لئے تفتیش جاری ہے۔

قابل ذکر ہے کہ سعودی عرب کی آرامکو آئل کمپنی نے بتایا کہ 2020 میں اس کا منافع 49 ارب ڈالر تھا جبکہ ارمکو میں اس کی سرمایہ کاری لاگت 2019 میں 32.8 ارب ڈالر سے کم ہوکر 2020 میں 27 ارب ڈالر ہوگئی۔