طوفان الاقصیٰ کے اثرات

?️ 13 اپریل 2024

سچ خبریں: حماس کے ایک اعلیٰ عہدیدار نے اس بات کی طرف اشارہ کرتے ہوئے کہ مزاحمت نے دشمن کو ہر سطح پر شکست دی ہے اور مزاحمتی قائدین کے بچے وطن کے لیے قربانی دینے میں سب سے آگے ہیں۔

فلسطینی تحریک حماس کے ترجمان عبداللطیف قانوع نے فلسطینی عوام کے ساتھ عالمی یکجہتی بڑھانے پر زور دیا اور عرب اور اسلامی ممالک سے مطالبہ کیا کہ وہ غزہ کی حمایت اور اس کے خلاف غاصب دشمن کی جارحیت کو روکنے کے لیے اپنے مظاہروں کو وسعت دیں۔

یہ بھی پڑھیں: طوفان الاقصی کے بارے میں صیہونی فوج کا اعتراف

انہوں نے اس بات پر زور دیا کہ طوفان الاقصیٰ کی لڑائی کے نتائج فلسطین پر صیہونیوں کے قبضے کے خاتمے کی صورت میں برآمد ہوں گے۔

انہوں نے تمام عرب ممالک سے قابض حکومت کے سفیروں کو اپنے دارالحکومتوں سے بے دخل کرنے کی تاکید کی اور کہا کہ فلسطین نے زوال پذیر اور حقیر حکومتوں کو بے نقاب کیا نیز مزاحمت کرنے والوں کی حمایت میں ایک واضح نمونہ کے طور پر لبنان، یمن اور عراق کو سرخرو کیا۔

انہوں نے مزید کہا کہ اگر تمام عرب ممالک مزاحمت کے محور میں جمع ہو جائیں تو امریکہ ہمارے سامنے گھٹنے ٹیک دے گا، ہمارے پاس انسانی، روحانی اور عسکری صلاحیتیں ہیں جس سے ہم بڑی طاقتوں کا مقابلہ کر سکتے ہیں ،امت اسلامیہ کی قومیں زندہ ہیں اور اس جنگ کا ان کی بیداری پر واضح اثر ہے۔

آخر میں انہوں نے غاصب حکومت کی جیلوں میں فلسطینی قیدیوں کی بے مثال مزاحمت کی طرف اشارہ کیا جو ہر طرح کی اذیتوں اور تدریجی موت سے دوچار ہیں اور کہا کہ طوفان الاقصیٰ کی لڑائی نے صیہونی معاشرے کے اندرونی مسائل اور بحرانوں کو ظاہر کیا۔ اور اس جنگ کے اثرات فلسطین پر صیہونی قبضے کے خاتمے کی صورت میں برآمد ہوں گے۔

یہ ایسے وقت میں ہے جب گذشتہ شب تحریک حماس نے مقبوضہ مغربی کنارے کے انقلابی عوام سے کہا تھا کہ وہ انتفاضہ کی آگ بھڑکاتے ہوئے صیہونی فوجیوں کے دہشت گردانہ اقدامات کا مقابلہ کریں کیونکہ صیہونی حکومت صرف طاقت کی زبان سمجھتی ہے۔

حماس نے بھی تاکید کی کہ ہم بین الاقوامی برادری اور اقوام متحدہ سے مطالبہ کرتے ہیں کہ وہ اپنی ذمہ داریاں پوری کریں اور غاصب صیہونی حکومت کے جرائم بشمول مقبوضہ مغربی کنارے کے عوام کے خلاف فوری طور پر کارروائی کریں۔

مزید پڑھیں: کیا فلسطینی عوام طوفان الاقصی آپریشن سے خوش ہیں؟

کل جمعہ کے روز مسلح صیہونی آباد کاروں نے قابض فوج کی حمایت سے مغربی کنارے کے مختلف علاقوں پر حملہ کرکے فلسطینیوں پر وحشیانہ حملہ کیا جس کے دوران متعدد فلسطینی زخمی یا شہید ہوگئے۔