سچ خبریں: صیہونی حکومت کے ذرائع ابلاغ نے اس حکومت کی کابینہ کے اجلاس میں صیہونی اہلکاروں کے درمیان زبانی جنگ کی خبر دی ہے۔
الجزیرہ نیوز چینل کی رپورٹ کے مطابق صیہونی حکومت کی سرکاری ریڈیو اور ٹیلی ویژن کمپنی جسے کان کے نام سے جانا جاتا ہے،نے اپنی ایک رپورٹ میں کہا ہے کہ صیہونی وزیر جنگ گیلنٹنے جنگی کابینہ کے اجلاس میں نیتن یاہو سے غزہ میں جنگ بندی کے معاہدے کی منظوری دینے کو کہا ہے۔
یہ بھی پڑھیں: غزہ میں جنگ بندی کے بارے میں صیہونی حکمرانوں میں اختلاف
رپورٹ کے مطابق گیلنٹ نے نیتن یاہو سے کہا کہ یہ معاہدہ اچھا ہے ، اسے منظور کیا جانا چاہیے اس لیے کہ یہ قیدیوں کی واپسی کا موقع ہے۔
اس سے قبل صیہونی حکومت کے چینل 14 ٹی وی نے اس حکومت کی کابینہ کے اجلاس میں صیہونی حکام کے درمیان ہونے والی زبانی جنگ کی خبر دی تھی۔
مزید پڑھیں: غزہ میں جنگ بندی کے بارے میں صیہونی حکمرانوں میں اختلاف
اس صہیونی چینل کے مطابق، صیہونی حکومت کے داخلی سلامتی کے وزیر اتمار بن گوئر نے اس حکومت کے وزیر جنگ یواف گیلنٹ کو برطرف کرنے کا مطالبہ کیا ہے اس لیے کہ اس نے غزہ میں جنگ کے خاتمے کی بات کی ہے۔