صیہونی ڈرائیور نے فلسطینی خاتون کو گاڑی کے نیچے کچل دیا

?️ 7 اپریل 2021

سچ خبریں:بدھ کے روز ایک صیہونی آباد کار نے الخلیل کے قریب ایک بزرگ فلسطینی خاتون پر گاڑی چڑھا کر اسے شہید کردیا۔
العہدنیوز ایجنسی کی رپورٹ کے مطابق صہیونی حکومت کی طرف سے مقبوضہ علاقوں میں رہنے والے فلسطینیوں کے خلاف ہونے والے جرائم کا سلسلہ بدستور جاری ہے،اسی سلسلے میں ایک صیہونی آباد کار نے آج صبح ایک بزرگ فلسطینی خاتون کو شہید کردیا،رپورٹ کے مطابق ایک اسرائیلی آباد کار نے الخلیل کے علاقے میں ایک بزرگ فلسطینی خاتون کو اپنی گاڑی کے نیچے کچل دیا۔

مقامی ذرائع کے مطابق شفیقہ محمد سلیمان ابو عقیلایک 73 سالہ فلسطینی خاتون کو صیہونی آباد کار نے گاڑی کی ٹکر ماری، ذرائع نے زور دے کر کہا کہ جنوبی ہیرون کے مغربی قصبے سموع کے داخلی راستے پرایک قابض رہائشی نے ایک 73 سالہ فلسطینی خاتون کو اپنی کار سے ٹکر ماردی جس کے نتیجہ میں وہ شدید زخمی ہوگئی جس کے بعد اس کو اسپتال لے جایا گیا تاہم زخموں کی شدت کی وجہ سے اسپتال پہنچنے کے کچھ ہی دیر کے بعدوہ شہید ہوگئی۔

واضح رہے کہ فلسطینی خاتون کو ایسے وقت میں شہیدکیا گیا ہے جبکہ صہیونیوں نے مقبوضہ بیت المقدس میں حال ہی میں ایک فلسطینی کو شہید کیا تھا،یادرہے کہ صیہونی آباد کار فلسطینی شہریوں کے خلاف نفرت انگیز کاروائیاں حکومت کی فوج کی سبز روشنی میں کرتے ہیں اور اقوام متحدہ سمیت پوری عالمی برادری خاموش تماشائی بنے ہوئے اس بربریت کو دیکھ رہی ہے دوسری طرف بعض عرب ممالک کے حکمرانوں نے تو اپنے ممالک کو صیہونیوں کے سیر وتفریح کی جگہ بنا دیا ہے تاکہ جب وہ مظلوم فلسطینیوں کو مارتے مارتے تھک جائیں تو یہاں آکر آرام کر لیں۔