سچ خبریں:لبنانی اخبار نے صیہونی وزیر خارجہ یائر لاپڈ کے دورہ مصر کی تفصیلات کا انکشاف کیا ہے۔
لبنانی اخبار الاخبار نے ہفتے کے روز اسرائیلی وزیر خارجہ یائر لاپڈ کے دورہ قاہرہ اور اسرائیلی عہدہ دار نے مصری حکام کے ساتھ جن امور پر بات کی تھی اس کی تفصیلات کا انکشاف کیا ہے،روزنامہ نے ایک باخبر مصری ذریعے کا حوالہ دیتے ہوئے کہا ہے کہ مصری فریق نے فلسطینی مزاحمت کاروں اور صیہونی حکومت کے درمیان قیدیوں کے تبادلے میں لچک دکھانے کی ضرورت پر زور دیا تاکہ اس بات کو یقینی بنایا جا سکے کہ حماس تحریک کے اہم مطالبات پر عمل درآمد کرے، جسے وہ کبھی ترک نہیں کرے گی۔
اس ذریعے نے مزید کہا کہ مصری انٹیلی جنس سروس نے صیہونی حکومت کی طرف سے قیدیوں کے تبادلے کے ابتدائی کاموں کی تکمیل میں رکاوٹ اور تاخیر پر عدم اطمینان کا اظہار کیا اور اس بات پر زور دیا کہ اس کیس کا نتیجہ مصر اور خلیجی ممالک کے ساتھ تعلقات میں اسرائیل کے لیے بہت فائدہ مندہے۔
خاص طور پر ایسے وقت میں جبکہ قاہرہ ان ممالک اور صیہونی حکومت کے درمیان تعلقات کو معمول پر لانے کے دائرے کو وسعت دینے کے لیے کام کر رہا ہے،مصری ذرائع کا کہنا ہے کہ ایک انٹیلی جنس وفد کے مصر سے تل ابیب اور غزہ کا سفر کرنے کے لیے ایک معاہدہ طے پا یاہے تاکہ 2021 کے اختتام سے قبل قیدیوں کے تبادلے کے معاہدے پر عمل درآمد کو تیز کرنے کے طریقوں کا جائزہ لیا جا سکے۔