صیہونی فوج کا دمشق میں ہونے والے دہشت گردانہ حملے پر بات کرنے سے انکار

🗓️ 2 اپریل 2024

سچ خبریں: صہیونی فوج کے ترجمان نے دمشق میں ہونے والے دہشت گردانہ حملے پر ردعمل ظاہر کرنے سے انکار کردیا۔

اسپوٹنک نیوز ایجنسی کی ویب سائٹ کے مطابق صہیونی فوج کے ترجمان نے اپنی پریس کانفرنس میں دمشق میں ایرانی قونصل خانے کی عمارت پر ہونے والے حالیہ دہشت گردانہ حملے پر ردعمل دینے سے انکار کرتے ہوئے کہا ہے کہ غیر ملکی میڈیا میں شائع ہونے والی اس حملے کی خبروں کے بارے میں وہ کچھ نہیں کہیں گے اور اپنی پوری توجہ غزہ جنگ کے اہداف پر مرکوز کریں گے۔

یہ بھی پڑھیں: دنیا بھر میں صیہونی سفارتی مراکز میں الرٹ جاری

اس اسرائیلی فوجی اہلکار نے دعویٰ کیا ہے کہ اسرائیلی فوجیوں نے الشفا اسپتال کے مریضوں یا طبی عملے کو کوئی نقصان نہیں پہنچایا جب کہ صیہونی حکومت کی جانب سے اس اسپتال میں کیے جانے والے جرائم کی افسوسناک خبریں اور تصاویر شائع کی گئی ہیں۔

ساتھ ہی انہوں نے دعویٰ کیا کہ اسرائیل کئی محاذوں پر مشترکہ جنگ میں ہے۔

مزید پڑھیں: فلسطین پر اسرائیلی دہشت گردی اور عالمی برادری کا شرمناک ردعمل!!!

صیہونی فوج کے ترجمان نے ایلات میں اسرائیلی فوج سے وابستہ بحری اڈے کو نشانہ بنائے جانے کی طرف بھی اشارہ کیا اور دعویٰ کیا کہ یہ حملہ ایک ایرانی ڈرون کے ذریعے کیا گیا جو ایران کے اندر سے کنٹرول ہو رہا تھا۔