صیہونی ریاست کا زوال قریب

🗓️ 3 جون 2022

حزب اللہ کے سابق سکریٹری جنرل شہید سید عباس الموسوی کی بہن نے مزاحمت کی تشکیل میں امام خمینی کے کردار کی طرف اشارہ کرتے ہوئے تاکید کی کہ بیت المقدس کی آزادی اور صیہونی حکومت کے زوال قریب ہے۔حزب اللہ کے سابق سکریٹری جنرل شہید سید عباس الموسوی کی بہن نے مزاحمت کی تشکیل میں امام خمینی کے کردار کی طرف اشارہ کرتے ہوئے تاکید کی کہ بیت المقدس کی آزادی اور صیہونی حکومت کے زوال قریب ہے۔
قدس کو آزاد کرانے کے مقصد سے سرگرم کارکنوں، غیر سرکاری تنظیموں اور میڈیا کے ارکان کے عہد کی تجدید کی تقریب امام خمینی کے روضے میں منعقد ہوئی، جس میں حزب اللہ کے سابق سکریٹری جنرل شہید سید عباس الموسوی کی بہن محترمہ ہودا الموسوی نے خطاب کیا۔

انہوں نے اپنی تقریر کا آغاز قرآن مجید کی چند آیات کی تلاوت سے کرتے ہوئے کہا کہ ایران کا اسلامی انقلاب ایک ایسا چشمہ ہے جو دنیا کے تمام آزاد لوگوں کو سیراب کرتا ہے،انہوں نے کہا کہ اس عظیم انقلاب کے رہبر امام خمینی نے ایران میں عالمی استکبار اور امریکی شیطان کے طوق کو توڑ کر فلسطین کی مقدس سرزمین کی آزادی کو تمام مسلمانوں کا ہدف قرار دیا۔

حزب اللہ کے سابق سکریٹری جنرل کی بہن نے تاکید کی کہ یہ امام خمینی ہی تھے جنہوں نے حزب اللہ کی بنیاد ڈالی جو بعد میں تناور درخت بن گیا اور قابضین کو لبنان سے نکال باہر کیا، یہ سب اس عظیم لیڈر کی برکت کی بدولت ہے۔