صیہونی حکومت کا مقابلہ کرنے کا واحد راستہ مزاحمت ہے:جہاد اسلامی

?️ 2 دسمبر 2021

سچ خبریں:فلسطین کی جہاد اسلامی تحریک کے ایک سینئر رکن نے ایک تقریر میں کہاکہ صیہونی حکومت اور اس کی جارحیت کا مقابلہ کرنے کا واحد راستہ مزاحمت ہے۔
فلسطین ٹوڈے کی رپورٹ کے مطابق فلسطین کی جہاد اسلامی تحریک کے سینئر رکن داؤد شہاب نے صہیونیوں کے خلاف مزاحمت کے آپشن پر انحصار کرنے کی ضرورت پر زور دیا، انہوں نے کہاکہ صیہونی حکومت کی جارحیت سے نمٹنے کا واحد راستہ مزاحمت ہے۔

رپورٹ کے مطابق فلسطین کی جہاد اسلامی تحریک کے سینئر رکن نے یاد دلایاکہ اگر ہم غاصب صیہونی حکومت کا مقابلہ کرنے کے قابل نہیں رہے تو دنیا ہماری فریاد کبھی نہیں سنے گی لہذا بنیادی طور پر ہمارے پاس صہیونیوں کے خلاف مزاحمت کے سوا کوئی چارہ نہیں۔

اپنی تقریر کے ایک اور حصے میں انہوں نے مقبوضہ علاقوں میں صیہونی بستیوں کی توسیع کا حوالہ دیا اور کہاکہ صیہونی بستیوں کی توسیع فلسطینی علاقوں میں قبضے کی حقیقت کو ظاہر کرتی ہے، شہاب نے صیہونی حکومت کے ساتھ عرب ممالک کے تعلقات کو بھی معمول پر لانے کو تل ابیب کی مفت خدمت قرار دیا۔

اس سلسلے میں شہاب نے بیان کیاکہ اس حقیقت کے باوجود کہ صیہونی حکومت نے بہت سے جرائم کا ارتکاب کیا ہے، ہم دیکھتے ہیں کہ بعض عرب ممالک نے اس کے ساتھ تعلقات کو معمول پر لانے اور مشترکہ معاہدوں پر دستخط کرنا شروع کر دیے ہیں جو فلسطینیوں اور اسلامی دنیا کی پیٹھ میں چھرا مارنا ہے۔