صیہونی جیل میں ایک انٹیلی جنس افسر کی مشکوک موت

?️ 2 جون 2021

سچ خبریں:صہیونی میڈیا نے مقبوضہ علاقوں کی ایک فوجی جیل میں ایک انٹیلی جنس افسر کی مشکوک موت کی اطلاع دی ہے۔
یروشلم پوسٹ کے مطابق کی رپورٹ کے مطابق سن 2020 میں گرفتار ہونے والا اسرائیلی فوج کا انٹیلی جنس افسر کی مقبوضہ علاقوں کی ایک فوجی جیل میں مشکوک طور پر موت ہوگئی،رپورٹ کے مطابق ستمبر 2020 میں اسرائیلی انٹیلی جنس افسر کی گرفتاری اوراس پر فرد جرم عائد کرنے کی تفصیلات جاری کردی گئیں،واضح رہے کہ ان تفصیلات پر پہلے پابندی عائد تھی ،تاہم انھیں اس وقت منظر عام پر لایا گیا جب یہ عہدے دار مقبوضہ علاقوں کے وسط میں واقع ایک فوجی جیل میں مر گیا اور اس کا کیس خارج کردیا گیا ۔

قابل ذکر ہے کہ مذکورہ انٹیلی جنس افسر کی سماعتیں بھی بند دروازوں کے پیچھے کی گئیں اور اسرائیلی فوج کی داخلی تفتیشی یونٹ نے اس سلسلے میں اب ایک حکم جاری کیاہے،یروشلم پوسٹ کے مطابق 16 مئی 2021 کی رات انٹیلی جنس افسر کی حالت تشویشناک تھی اور اسے علاج کے لئے اسپتال میں داخل کی گیا تھا۔

تاہم اسرائیلی فوج کے انٹیلی جنس افسر کی شناخت کے بارے میں ابھی تک کوئی معلومات جاری نہیں کی گئی ہیں،اسرائیلی فوج کی داخلی تفتیشی یونٹ کا کہنا ہے کہ انھوں نے اس افسر کی ہلاکت کے بارے میں تحقیقات کا آغاز کردیا ہے اور وہ اپنی تحقیقات کے نتائج اسرائیلی فوج کے داخلی استغاثہ کے سامنے پیش کریں گے۔