صیہونی جاسوس سافٹ وئر کے ذریعے الجزیرہ چینل کے 34 نامہ نگاروں کے سیل فونز ہیک

?️ 21 جنوری 2022

سچ خبریں:الجزیرہ چینل کے 34 صحافیوں اور پروڈیوسرز کو صیہونی جاسوس سافٹ وئر کے ذریعہ ہیک کیا گیاہے۔
الجزیرہ چینل کی رپورٹ کے مطابق ایک صہیونی اخبار نے الجزیرہ کے 30 سے زائد صحافیوں کے سیل فون ہیک ہونے کی خبر دی، ہاریٹز اخبار کے مطابق صرف 2020 میں پیگاسس اسپائی ویئر الجزیرہ کے 34 ایگزیکٹوز، رپورٹرز اور پروڈیوسرز کے سیل فون ہیک کرنے میں کامیاب رہا۔

رپورٹ کےمطابق اس دعوے کے باوجود کہ الجزیرہ کے صرف 34 ملازمین کے سیل فون کی معلومات ہیک کی گئی ہیں، ایسا معلوم ہوتا ہے کہ صیہونی جاسوس سافٹ کی زد میں آنےوالے لوگوں کی تعداد میں اضافہ ہوا ہے،یادرہے کہ اس سے قبل بھی پیگاسس سافٹ ویئر کی تخریب کاری سے متعلق متعدد خبریں میڈیا میں میں آچکی ہیں۔

فنانشل ٹائمز کے مطابق، اسرائیلی پولیس نے طویل عرصے سے جاسوس سافٹ وئر کو مختلف افراد کو نشانہ بنانے کے لیے استعمال کیا ہے، جن میں اسرائیل مخالف احتجاجی گروپوں کے رہنما بھی شامل ہیں جہاں اوقات عدالتی حکم کے بغیر بھی صیہونی ایسا کرتے نظر آئے ہیں۔

قابل ذکر ہے متعدد عرب ممالک کے حکام بھی اپنے شہریوں اور حکومت مخالف افراد کی جاسوسی کے لیے صیہونی جاسوس سافٹ وئر کی خدمات حاصل کر رہے ہیں جن میں متحدہ عرب امارات اور سعودی عرب کے حکام کا نام سر فہرست ہے اور اس سلسلہ میں میڈیا میں بھی متعدد خبریں آچکی ہیں۔