سچ خبریں:فلسطینی ذرائع نے اطلاع دی ہے کہ صیہونی آبادکاروں نے اتوار کی شام مغربی کنارے کے نابلس میں فلسطینیوں پر حملہ کر کے ان کی گاڑیوں کو تباہ کر دیا ہے۔
فلسطین ٹوڈےکی رپورٹ کے مطابق فلسطینی ذرائع نے اتوار کی شام اطلاع دی کہ صہیونی آبادکاروں نے مغربی کنارے کے شہر نابلس میں فلسطینیوں کی گاڑیوں پر حملہ کیا۔
رپورٹ کے مطابق صیہونی آبادکاروں کے ایک گروپ نے جنوبی نابلس میں فلسطینیوں کی گاڑیوں پر پتھراؤ کرکے انہیں تباہ کردیا،دریں اثنا اتوار کی صبح ایک فلسطینی نے قدس کے پرانے حصے میں مسجد اقصیٰ کے داخلی راستوں میں سے ایک کے قریب صہیونی عسکریت پسندوں پر فائرنگ کی، اس واقعے میں ایک صہیونی ہلاک اور تین فوجیوں سمیت چارافراد زخمی ہوئے جن میں سے دو کی حالت تشویشناک بتائی جاتی ہے۔
عربی زبان کے ذرائع ابلاغ نے اطلاع دی ہے کہ آپریشن کے 42 سالہ شخش کو صیہونی فوجیوں نے گولی مار کر شہید کر دیا، قابل ذکر ہے کہ اس آپریشن میں دو فلسطینیوں نے حصہ لیا جن میں سے ایک شناختی آپریشن کا ذمہ دارتھا اور دوسرا ایگزیکٹو رکن تھا۔
واضح رہے کہ آپریشن کے بعد صہیونیوں نے فوری طور پر مسجد اقصیٰ اور قدس کے پرانے حصے کے تمام داخلی راستوں کو بند کر دیا، دریں اثناء اسرائیلی پولیس نے ایک بیان میں کہا ہے کہ انہیں اطلاع ملی ہے کہ حیفا کے رہائشی صہیونی پر ایک نامعلوم شخص نے چاقو سے وار کیا ہے، بیان میں کہا گیا ہے کہ پولیس فورس رپورٹ ملنے کے فوراً بعد جائے وقوعہ پر گئی اور اس سلسلے میں براہ راست اپنی تحقیقات شروع کردی ہیں۔
