صیہونیوں کے ہاتھوں گیارہ فلسطینی گرفتار

?️ 12 فروری 2022

سچ خبریں:اسرائیلی فورسز نے جمعہ کو مغربی کنارے کے متعدد علاقوں پر چھاپے مارے اور 11 افراد کو بغیر کسی الزام کے گرفتار کر لیا۔
العہد نیوز چینل کی رپورٹ کے مطابق مختلف مقبوضہ علاقوں میں فلسطینیوں کے خلاف صیہونیوں کی جارحانہ کارروائیوں کا سلسلہ بدستور جاری ہے جن میں جنین، الخلیل اور نابلس کے شہروں کو وحشیانہ صیہونی حملوں کا نشانہ بنایا گیا۔

رپورٹ کے مطابق صیہونی ملیشیا کے اس وحشیانہ حملے کے نتیجے میں ان کے اور فلسطینی شہریوں کے درمیان شدید جھڑپیں ہوئیں جس دوران صیہونیوں نے 11 فلسطینیوں کو بغیر کسی الزام کے حراست میں لے لیا۔

یادرہے کہ حال ہی میں فلسطینی مزاحمتی گروپوں کے مشترکہ چیمبر نے مقبوضہ بیت المقدس اور مغربی کنارے میں صیہونی حکومت کے حالیہ جرائم کی شدید مذمت کی ہے، فلسطینی مزاحمتی گروپوں کے مشترکہ چیمبر نے ایک بیان میں کہا ہے کہ وہ فلسطین میں جاری واقعات کے ساتھ ساتھ اسرائیلی حکام کی طرف سے فلسطینیوں پر نئی شرائط مسلط کرنے کی کوششوں پر بھی نظر رکھے ہوئے ہے۔

بیان میں صیہونی حکومت کو مخاطب کرتے ہوئے کہا گیاکہ فلسطینی عوام کے خلاف صیہونی حکومت کے اس خطرناک حد تک جرائم کا تقاضا ہے کہ ہم اس پر فیصلہ کن رد عمل ظاہر کریں، یہ فطری بات ہے کہ ان جرائم کا تسلسل حالات کو مزید کشیدہ بنا دے گا۔