سچ خبریں:صہیونی عسکریت پسندوں نے مغربی کنارے میں ایک آپریشن کے بہانے ایک فلسطینی نوجوان شہری کو گولی مار کر شہید کر دیا۔
فلسطینی ذرائع ابلاغ کی رپورٹ کے مطابق صیہونی فورسز نے مغربی کنارے میں ایک فلسطینی شہری پر سرد ہتھیار سے حملہ کرنے کے بہانے فائرنگ کی، فلسطینی میڈیا رپورٹس کے مطابق عبرانی زبان کے ذرائع نے دعویٰ کیا ہے کہ یہ شخص نابلس کے جنوب میں جیتی چوراہے پر شہادت طلبانہ کارروائی کرنے کا ارادہ رکھتا تھا۔
میڈیا رپورٹس کے مطابق فلسطینی شہری گولی لگنے سے زخمی ہو کر زمین پر گر گیا،عبرانی زبان کے میڈیا کا کہنا ہے کہ پیٹ میں گولی لگنے کے بعد نوجوان فلسطینی شدید زخمی ہو گیا اور اسے ہسپتال لے جایا گیا، تاہم اس کے چند گھنٹے بعد فلسطینی میڈیا نے اطلاع دی کہ نوجوان فلسطینی کو صہیونیوں نے گولی مار کر شہید کر دیا ہے۔
یادرہے کہ حال ہی میں صیہونی بستیوں کی توسیع اور یروشلم میں صیہونیوں کے ہاتھوں اسلامی مقدسات بالخصوص مسجد الاقصی کی توہین کے ساتھ ساتھ مغربی کنارے اور مقبوضہ بیت المقدس میں صیہونیوں کے خلاف فلسطینیوں کی شہادت طلبانہ کارروائیوں میں اضافہ ہوا ہے،تاہم مزید شہادت طلبانہ کی کارروائیوں کے خوف سے صیہونی حکومت نے مقبوضہ فلسطینی سرزمین کے مختلف علاقوں میں اپنی افواج کی تعداد بڑھا دی ہے اور سخت حفاظتی اقدامات کردیے ہیں۔
