صیہونیوں کے ہاتھوں الجزیرہ کی رپورٹر شہید

?️ 14 مئی 2022

سچ خبریں:الجزیرہ کی رپورٹر کو جنین پر صیہونی عسکریت پسندوں کے حملے میں گولی مار کر شہید کر دیا گیا۔
صیہونی عسکریت پسندوں نے بدھ کومغربی کنارے میں واقع جنین شہر پر وحشیانہ حملہ کیا، جس میں ان کے اور فلسطینی نوجوانوں کے درمیان شدید گولہ باری ہوئی،الجزیرہ کے مطابق اس دوران واقعے کی کوریج کرنے والی الجزیرہ کی فلسطینی صحافی شیرین ابوعاقله کو صہیونی عسکریت پسندوں نے سر میں گولی مار کر شہید کر دیا۔

الجزیرہ نے اطلاع دی ہے کہ جب گولی ماری گئی تو ابوعاقله صحافی کی جیکٹ پہنے ہوئے تھیں جبکہ بعد خبروں کی کوریج کے دوران متعدد دیگر صحافی بھی زخمی ہوئے، ان میں فلسطینی صحافی علی السامودی بھی شامل ہیں جن کی پیٹھ میں گولی لگی ہے۔

یاد رہے کہ اس ہفتے کے شروع میں عبرانی زبان کے ذرائع نے اطلاع دی تھی کہ عبوری صیہونی حکومت کے عہدہ دار فلسطینی مزاحمتی کارروائیوں کے جواب میں غزہ اور جنین پر حملوں کے بارے میں غور کر رہے ہیں۔

واضح رہے کہ فلسطینیوں کی حالیہ شہادت طلبانہ کاروائیوں سے صیہونیوں میں شدید خوف و ہراس پایا جاتا ہے جس کے نتیجہ میں وہ بوکھلاہٹ کا شکار ہو گئے ہیں اس لیے کہ صیہونی عوام کا فوج اور حکومت سے بھروسہ اٹھ چکا ہے اور وہ اپنے آپ کو غیر محفوظ سمجھنے لگے ہیں۔