صیہونیوں کے ساتھ سفارتی تعلقات کا آغاز ہوچکا ہے: ترکی

?️ 27 دسمبر 2021

سچ خبریں:ترکی کے وزیر خارجہ مولود چاووش اوغلو نے آج انقرہ میں اعلان کیا کہ اس ملک نے صیہونی حکومت کے ساتھ سفارتی تعلقات شروع کر دیے ہیں۔
ترکی کے روزنامہ TRT کی رپورٹ کے مطابق صیہونی حکومت کے ساتھ ترکی کے تعلقات کی کی افادیت کے بارے میں ترک صدر کے تبصرے کے چند روز بعداس ملک کے وزیر خارجہ نے بھی اس پر تبصرہ کرتے ہوئے پیر (آج) کو 2021 کے اختتام کے موقع پر انقرہ میں ایک پریس کانفرنس کی۔

ترک وزیر خارجہ نے پریس کانفرنس میں دیگر ممالک کے ساتھ انقرہ کی سفارتی مشاورت نیز امریکہ اور یورپی یونین کے ساتھ تناؤ جیسے مسائل پر بات کی، چاووش اوغلو نے مغربی ممالک کے بارے میں ترک حکومت کے موقف کے بارے میں بات کرتے ہوئے کہا کہ ہم نےان کے تعلقات کو بہتر بنانے کی ہر ممکن کوشش کی ہے، لیکن بدقسمتی سے یورپی یونین اس کا جواب نہیں دےسکی ہے۔” انہوں نے کہا کہ بائیڈن انتظامیہ کے ساتھ تعلقات میں اضافہ ہوا ہے اور ہم تنازعات کو حل کرنے اور امریکہ کے ساتھ تعلقات کو بہتر بنانے کے لیے کام کر رہے ہیں

ترک وزیر خارجہ نے جزوی طور پر عرب ممالک کے بارے میں انقرہ کے موقف اور فرانس، صیہونی حکومت اور آرمینیا کے ساتھ کشیدگی کو کم کرنے کی کوششوں کا حوالہ دیتے ہوئےکہاکہ ہم نے متحدہ عرب امارات، سعودی عرب، بحرین اور مصر کے ساتھ تعلقات کو معمول پر لانے کے لیے بڑے اقدامات کیے ہیں۔