سچ خبریں:جنوبی کوریا میں صیہونی حکومت کے سیاحوں کو لے جانے والی بس الٹنے سے درجنوں افراد زخمی ہو گئے۔
عرب 48 نیوز ویب سائٹ نے جمعرات کو اطلاع دی ہے کہ جنوبی کوریا میں صہیونی سیاحوں کو لے جانے والی بس الٹنے کے نتیجہ میں ایک شخص ہلاک اور 31 زخمی ہو گئے جنہیں ہسپتال لے جایا گیا۔
صیہونی وزارت خارجہ نے ایک بیان جاری کرتے ہوئے کہا ہے کہ جمعرات کو جنوبی کوریا کے شہر چونگجو میں 33 سیاحوں سے بھری بس الٹ گئی جس کے نتیجے میں متعدد افراد زخمی ہو گئے جن میں سے کم از کم 10 سیاح شدید زخمی ہیں۔
اس بیان میں مزید کہا گیا ہے کہ زخمیوں کو فوری طور پر ہسپتال لے جایا گیا اور اس وقت ان کا علاج جاری ہے نیز سیول میں ہمارے سفارتی نمائندے جائے حادثہ پر جا کر اور ہسپتال جا کر زخمیوں کی حالت کا جائزہ لے رہے ہیں۔
نیوز سائٹ کے مطابق بعض مقامی ذرائع نے اس واقعے میں کم از کم ایک شخص کے ہلاک ہونے کی اطلاع دی ہے، یاد رہے کہ جنوبی کوریا حال ہی میں اسرائیلی آباد کاروں کی سیر و تفریح کے لیے مقبول ترین مقامات میں سے ایک بن گیا ہے نیز تل ابیب اور سیول نے ستمبر میں کسی ایشیائی ملک کے ساتھ اسرائیل کے پہلے آزاد تجارتی معاہدے پر دستخط کیے تھے۔