شہر ادلب میں داعش کا سربراہ ہلاک

🗓️ 4 اگست 2023

سچ خبریں:خبر رساں ادارے روئٹرز نے آج جمعرات کی شام کو اطلاع دی ہے کہ داعش دہشت گرد گروہ کا سربراہ ابوالحسین الحسینی القرشی مار گئا ہے۔

داعش کے دہشت گردوں نے ایک آڈیو فائل میں اعلان کیا ہے کہ اس دہشت گرد گروہ کے ترجمان ابو عمر کو بھی ترک انٹیلی جنس سروس نے گرفتار کر لیا ہے۔

اس آڈیو فائل میں اس وقت داعش کے ترجمان ابو عمر المہاجر نے ابو الحسین الحسینی القرشی کو اس گروپ کے نئے سربراہ کے طور پر متعارف کرایا اور ان سے بیعت کا مطالبہ کیا۔ داعش نے اعلان کیا کہ الحسینی ادلب میں ہونے والی جھڑپوں میں مارا گیا ہے۔

ترکی کے صدر رجب طیب اردوغان نے گزشتہ ماہ مئی میں دعویٰ کیا تھا کہ ملکی انٹیلی جنس آرگنائزیشن  کی فورسز نے ایک کارروائی کے دوران شام میں دہشت گرد گروہ داعش کے سربراہ کو ہلاک کر دیا ہے۔

انھوں نے ٹیلی ویژن پر نشر ہونے والی تقریر میں کہا کہ داعش کا سربراہ ابو الحسین القرشی شام میں اس ملک کی انٹیلی جنس تنظیم کی فورسز کی ایک کارروائی کے دوران مارا گیا۔

ایردوان نے کہا کہ ترکی دہشت گرد گروہوں کے خلاف بلا تفریق جنگ جاری رکھے گا اور مزید کہا کہ ابو حسین القریشی طویل عرصے سے ترکی کی قومی انٹیلی جنس تنظیم کی نگرانی میں تھے۔ ترکی کے صدر کے بیان کے برعکس، ایک سیکورٹی ذریعہ نے کہا کہ ترکی نے حال ہی میں جس دہشت گرد ابو الحسین القرشی کو ہلاک کیا، وہ داعش کا لیڈر نہیں تھا۔