شام میں امریکی فوجی اڈے میں متعدد دھماکے

?️ 30 مئی 2022

سچ خبریں:شمال مشرقی شام میں واقع امریکی فوج کے غیر قانونی اڈے میں متعدد دھماکے ہوئے۔
صابرین نیوز کی رپورٹ کے مطابق عراق کی سرحد کے قریب واقع العمر آئل فیلڈ اسکوائر میں واقع امریکی فوج کے دہشتگردی کے اڈے پر یکے بعد دیگرے کئی دھماکے ہوئے، رپورٹ کے مطابق اس اڈے پر 12 میزائل فائر ہوئے، تام اس میں ہونے والے نقصان کے بارے میں ابھی تک کوئی رپورٹ سامنے نہیں آئی ہے۔

واضح رہے کہ یہ علاقہ عراق و شام کی سرحد پر واقع ہے اور گزشتہ کئی برسوں سے امریکہ کے باوردی دہشتگرد شام کے قومی سرمائے کو لوٹنے کی غرض سے اس علاقے پر قابض ہیں۔

واضح رہے کہ شام میں امریکی آلۂ کار دہشتگرد ٹولے داعش کی شکست کے بعد اب خود امریکی میدان میں آگئے ہیں اور شامی عوام اور خطے کے استقامتی محاذ کے خلاف برسر پیکار ہیں جبکہ شام کے مختلف علاقوں میں امریکی موجودگی کے خلاف عوامی ناراضگی بڑھتی جا رہی ہے اور لوگ آئے دن دہشتگردی سے جنگ کے بہانے شام میں موجود امریکہ کے باوردی دہشتگردوں کے خلاف مظاہرہ کرتے ہیں۔

ادھر شام کی حکومت نے بھی بارہا اقوام متحدہ میں امریکہ کی سرکردگی میں اپنے ملک میں موجود غیر ملکی فوجیوں کی موجودگی کو غیرقانونی اور جارحیت قرار دیتے ہوئے اُس پر سخت اعتراض درج کرایا ہے نیز ان سے فوری طور پر ملک سے نکل جانے کا مطالبہ کیا ہے۔