شام میں النصرہ فرنٹ کے 45 دہشت گرد ہلاک

?️ 19 ستمبر 2022

سچ خبریں:روسی فضائیہ نے شمالی شام کے صوبہ ادلب میں النصرہ دہشت گرد محاذ کے اڈے پر حملہ کیا جس میں اس دہشتگرد تنظیم کے متعدد کمانڈروں سمیت 45 ارکان ہلاک ہوگئے۔

روس کے مصالحتی مرکز نے اعلان کیا ہے کہ اس کے فضائی حملے میں صوبہ ادلب کے علاقے الشیخ یوسف میں النصرہ فرنٹ کے ٹھکانے کو نشانہ بنایا گیا جس کے نتیجہ میں اس دہشت گرد گروہ کے 45 ارکان مارے گئے، مرکز نے مزید کہا کہ یہ دہشت گرد شامی فوجیوں اور شہریوں پر حملوں کے ساتھ ساتھ تخریب کاری اور دہشت گردانہ کارروائیوں کی تیاریوں میں براہ راست ملوث تھے۔

روسی مرکز برائے مصالحتی نے مزید واضح کیا کہ النصرہ فرنٹ کے دو فیلڈ کمانڈر بلال سعید اور ابو دجانہ الدیری بھی اس حملے میں ہلاک ہونے والوں میں شامل ہیں،واضح رہے کہ اس حملے میں النصرہ کے گولہ بارود اور اسلحے کے کئی گودام بھی تباہ ہو گئے۔

قابل ذکر ہے کہ دہشتگردی کا خاتمہ کرنے کے بہانے شام میں داخل ہونے والے امریکہ کی سرپرستی میں اس ملک میں موجود متعدد دہشتگرد سرگرم ہیں جو آئے دن شامی فوج اور بے گناہ عوام کو نشانہ بناتے ہیں اور امریکی ان کا مقابلہ کرنے کے بجائے سہولت کاری کے فرائض انجام دیتے ہیں تاکہ اس طرح انہیں اس ملک کے قدرتی وسائل کو لوٹنے کا مزید موقع مل سکے۔