شام اور عراق میں امریکہ کی حالت زار؛پنٹاگون کی زبانی

?️ 17 نومبر 2023

سچ خبریں: گزشتہ ماہ عراق اور شام میں امریکی افواج پر حملوں کی تعداد 58 تک پہنچ گئی۔

فاکس نیوز ایجنسی کی رپورٹ کے مطابق امریکی محکمہ دفاع، جسے پینٹاگون کے نام سے جانا جاتا ہے، نے اعلان کیا کہ 17 اکتوبر یعنی تقریباً ایک ماہ قبل سے عراق اور شام میں امریکی افواج پر 58 حملے ہو چکے ہیں۔

پینٹاگون کی نائب ترجمان سبرینا سنگھ نے ایک پریس کانفرنس کے دوران صحافیوں کو بتایا کہ ان حملوں میں سے 27 عراق اور 31 شام میں ہوئے۔

یہ بھی پڑھیں: امریکی اتحاد کا عراق اور شام میں ہزاروں عام شہریوں کے قتل کا اعتراف

امریکی اہلکار کے مطابق اتوار سے اب تک شام میں ان میں سے سات حملے ہو چکے ہیں اور ایسا لگتا ہے کہ امریکی افواج پر حملوں کی رفتار کم نہیں ہوئی ہے۔

اس کے علاوہ امریکی تباہ کن یو ایس ایس تھامس ہڈنر نے بدھ کے روز بحیرہ احمر میں یمنی ڈرون کو مار گرایا،کہا جاتا ہے کہ ڈرون ہڈنر کی طرف بڑھ رہا تھا جب جنگی بیڑے نے اسے مار گرایا۔

سنگھ نے یہ اطلاع دی کہ فلسطین میں جاری جنگ کے دوران مشرق وسطیٰ میں تعینات امریکی افواج پر حملوں کے سلسلے میں یہ تازہ ترین ڈرون حملہ ہے۔

یہ پوچھے جانے پر کہ کیا پینٹاگون جواب دینے کے لیے پہلے اپنے کسی رکن کے مارے جانے کا انتظار کر رہا ہے، سنگھ نے جواب دیا کہ نہیں، بالکل نہیں۔

پینٹاگون کے ترجمان نے کہا کہ میرا مطلب ہے کہ ہم کبھی بھی ایسا کچھ نہیں دیکھنا چاہتے، ہم کاروائی کے لیے کسی چیز کا انتظار نہیں کر رہے ہیں،ہم نے جواب دیا ہے اور اگر مزید حملے ہوئے تو ہم یقینی طور پر جس وقت اور جگہ چاہیں گے اس کا جواب دیں گے۔

مزید پڑھیں: بغداد ایئرپورٹ کے قریب امریکی فوجی اڈے پر حملہ

سنگھ نے یہ بھی کہا کہ امریکہ ہمیشہ جواب دینے کا حق محفوظ رکھتا ہے لیکن انھوں نے اس بارے میں کوئی تبصرہ نہیں کیا کہ آیا یمن سے مارا گیا ڈرون امریکی جہاز کے لیے براہ راست خطرہ تھا یا نہیں؟

سنگھ نے کہا کہ اس وقت ہمارا اندازہ یہ ہے کہ یمنی ڈرون ہڈنر کا مطلوبہ ہدف نہیں تھا، لیکن یہ کہ ڈرون عملے کے اتنا قریب آ گیا تھا کہ کمانڈر نے اسے مار گرانا ضروری سمجھا۔