سچ خبریں: امریکی سینٹرل کمانڈ (سینٹکام) کے سربراہ جنرل مائیکل کوریلا آج مغربی ایشیا کے حالات اور مقبوضہ فلسطینی علاقوں کی صورتحال پر بات چیت کے لیے مقبوضہ علاقوں کا دورہ کریں گے۔
الجزیرہ نیوز چینل کی رپورٹ کے مطابق، جنرل مائیکل کوریلا مغربی ایشیا اور فلسطین کی صورتحال پر تبادلہ خیال کے لیے مقبوضہ فلسطینی علاقوں کا دورہ کر رہے ہیں۔
یہ بھی پڑھیں: سینٹکام دہشت گردوں کے کمانڈر کی سعودی اعلی عہداروں کے ساتھ ملاقات
صیہونی حکومت کے ریڈیو اور ٹیلی ویژن ادارے نے اعلان کیا ہے کہ امریکی سینٹرل کمانڈ کے سربراہ، مائیکل ایرک کوریلا، تل ابیب کے حکام سے ملاقات کے لیے آج مقبوضہ علاقوں میں پہنچیں گے تاکہ مغربی ایشیا کے حالات اور مقبوضہ فلسطینی علاقوں کی صورتحال پر بات چیت کی جا سکے۔
واضح رہے کہ یہ دورہ ایسے وقت میں ہو رہا ہے جب غزہ کی پٹی پر جنگ بارہویں ماہ میں داخل ہو چکی ہے اور معصوم فلسطینی شہریوں پر صیہونی قابض فوج کی حملے جاری ہیں۔
مزید پڑھیں: سینٹ کام کا یمنی ڈرون کو روکنے اور تباہ کرنے کا دعویٰ
فلسطین کی وزارت صحت غزہ نے ایک رپورٹ میں بتایا ہے کہ آپریشن طوفان الاقصیٰ کے آغاز سے اب تک قابض صیہونی فوج کے حملوں میں 41000 سے زیادہ فلسطینی شہید اور کم از کم 95000 زخمی ہو چکے ہیں۔
