سچ خبریں:سوڈان کے عوام نے صیہونی حکومت کے وزیر خارجہ کے اپنے ملک کے دورے اور خرطوم حکام کی جانب سے تل ابیب کے ساتھ تعلقات کو معمول پر لانے کے فیصلے پر احتجاج کیا۔
مرکز اطلاعات فلسطین کی رپورٹ کے مطابق سوڈان کے عوام نے اتوار کو خرطوم میں اسرائیلی وزیر خارجہ ایلی کوہن کے دورہ خرطوم اور سوڈانی حکومت کے صیہونیوں کے ساتھ تعلقات معمول پر لانے کے فیصلے کے خلاف احتجاجی مظاہرہ کیا۔
رپورٹ کے مطابق مظاہرے کے شرکاء نے صیہونی حکومت کے ساتھ کسی بھی قسم کے امن اور مذاکرات کی مذمت کرتے ہوئے نعرے لگائے اور بیت المقدس کے غاصبوں کے ساتھ تعلقات کو معمول پر لانے کو غداری قرار دیاماس مظاہرے کے شرکاء نے پلے کارڈ اٹھا رکھے تھے جن پر فلسطین برائے فروخت نہیں،الاقصیٰ ہمارا عقیدہ ہے،خرطوم بیت القدس سے غداری نہیں کرتا اور غدار حکمران ہمارے نمائندے نہیں جیسے نعرے درج تھے۔
واضح رہے کہ یہ مظاہرہ صیہونیوں کے خلاف تعلقات کو معمول پر لانے کے خلاف سوڈانی اتحاد کی دعوت پر کیا گیا، جس نے فروری 2020 میں باضابطہ طور پر اپنی سرگرمیاں شروع کی تھیں،حکومت کی جانب سے تل ابیب کے ساتھ تعلقات کو باضابطہ طور پر معمول پر لانے کے فیصلے کی مذمت کرتے ہوئے متعدد سوڈانی سیاسی جماعتوں نے اس بات پر زور دیا کہ وہ فلسطینی قوم اور مسئلۂ فلسطین کی حمایت نیز صیہونی حکومت کے ساتھ تعلقات کو معمول پر لانے کی مخالفت جاری رکھیں گے ۔
یاد رہے کہ اکتوبر 2020 میں، سوڈان نے صیہونی حکومت کو تسلیم کرنے اور سابق امریکی صدر ڈونلڈ ٹرمپ کی انتظامیہ کے ساتھ ہونے والے معاہدوں کے دائرہ کار میں اس کے ساتھ تعلقات کو معمول پر لانے کی اپنی مرضی کا اعلان کیا حالانکہ اس ملک کا نام واشنگٹن کی جانب سے دہشت گردی کی حمایت کرنے والے ممالک کی بلیک لسٹ سے نکالنا ایک سنگین اقدام تھا۔
