سعودی میڈیا کا عراقی عوام کے لیے ڈراؤنا خواب

?️ 4 ستمبر 2022

سچ خبریں:سعودی میڈیا خبریں، رپورٹس ، کالم اور اشتعال انگیز انٹرویوز نشر کرکے عراق میں مختلف گروہوں کے درمیان فتنہ و فساد کی آگ بھڑکا رہا ہے۔

سعودی میڈیا عراق میں فرقہ وارانہ فسادت بھڑکانے کی بھرپور کوشش کر رہا ہے جس میں اس ملک کا العربیہ چینل سر فہرست ہے جس کی اشتعال انگیز سرخی "تشدد اور قتل و غارت کی لہر کے بارے میں انتباہ” اور جملہ "سرایا السلام کے عناصر کے خلاف قتل و غارت گری کی لہر کے بارے میں مبصرین کو متنبہ کرنا،یا صدر موومنٹ یا مقتدی صدر کے حامیوں کو نشانہ بنائے جانے جیسے عناوین نیز دھماکوں کی افواہیں پھیلا کر عراق کے بارے میں اپنے خطرناک عزائم کو بیان کیا۔

اس چینل نے اپنے سے وابستہ ایک ماہر کا حوالہ دیتے ہوئے مزید کہا کہ مسلح تنازعات کی واپسی کا مفروضہ بہت مقبول ہے اور اس بار یہ محدود نہیں ہوگا یعنی بغداد گرین زون تک محدود نہیں رہے گا۔

العربیہ اور الحدیث چینل جو علاقائی اور بین الاقوامی مسائل کے سلسلہ میں سعودی حکومت کی پالیسی اور نظریات کے مرکزی پلیٹ فارم ہیں، نے عراق میں پیش آنے والی حالیہ صورتحال سے متعلق رپورٹوں اور خبروں میں افراتفری کی حمایت کا موقف اختیار کیا اورعراقی عوام دشمنی کا ثبوت دیتے ہوئے اس ملک میں تفرقہ ایجاد کرنے کی بھرپور کوشش کی جو اب تک جاری ہے۔