سعودی عرب میں ہالووین منائے جانے پر سعودی صارفین میں غصے کی لہر جاری

?️ 8 نومبر 2022

سچ خبریں:سعودی صارفین نے ہیش ٹیگ لگا کر سعودی عرب میں ہالووین کے جشن کو تنقید کا نشانہ بنایا اور اسے آل سعود کی اخلاقی پستی کو فروغ دینے کا وسیلہ قرار دیا۔

سماجی رابطوں کی ویب سائٹ ٹوئٹر پر سرگرم سعودی کارکنوں نے ہیش ٹیگ کے ذریعے اپنے ملک کی حکومت کے اخلاقی انحطاط کو فروغ دینے کا الزام عائد کیا، سعودی صارفین نے ٹویٹر سوشل نیٹ ورک پر "کفر اور اخلاقی زوال کے درمیان آل سعود” ہیش ٹیگ شروع کیا اور آل سعود پر "اخلاقی تنزلی اور حد سے زیادہ زیادہ گر جانا” نیز "کفر” کو فروغ دینے کا الزام لگایا۔

واضح رہے کہ یہ ہیش ٹیگ ہالووین کے جشن جس پر سعودی عرب میں بڑے پیمانے پر تنازعہ کھڑا ہوا تھا، کے بعد لگایا گیا، اس حوالے سے ایک سعودی صارف نے لکھا کہ سعودی عرب میں جو کچھ ہو رہا ہے وہ انتہائی شرمناک اور خوفناک ہے، یہ متزلزل منصوبہ بندی معاشرے کو آہستہ آہستہ تباہ اور تقسیم کر رہی ہے۔

ایک اور سعودی صارف نے لکھا کہ سعودی ولی عہد محمد بن سلمان کا مغربی کلچر کو قبول کرنے نیز سطحی اور مغربی شوز کا انعقاد اخلاقی انحطاط اور پستی کو فروغ دینے کا باعث بنتا ہے، جیسا کہ سعودی عرب میں ہالووین کی تقریب میں ہوا۔

ایک اور سعودی شہری نے تاکید کی کہ سعودی عرب آل سعود کے جرائم کا مشاہدہ کر رہا ہے جو اخلاقی انحطاط کو فروغ دے دینے اور جبر اور سزا کو تیز کرنے پر مبنی ہے۔

یاد رہے کہ سعودی عرب میں ہالووین کا جشن آتش بازی، جدید صوتی اثرات اور خوفناک سجاوٹ کے ساتھ منایا گیا جبکہ اس ملک میں ہالووین منانے کے مخالفین کا ماننا ہے کہ اس خیال کا مذہب سے کوئی تعلق نہیں ہے اور نہ یہ ملکی رسم و رواج کی عکاسی کرتا بلکہ اس کا تعلق کسی اور مذہب سے ہے۔