سعودی عرب میں غیر ملکی ملازم خواتین بھی تشدد کا شکار

🗓️ 2 مئی 2021

سچ خبریں:ایمنسٹی انٹرنیشنل نے سعودی پولیس کے ذریعہ سری لنکا کی درجنوں ملازم خواتین کی گرفتاری کی اطلاع دی ہے۔
ایمنسٹی انٹرنیشنل کا کہنا ہے کہ خواتین کوان کے بچوں کے ساتھ حراست میں لیا گیا ہے جبکہ ان میں سے کچھ خواتین حاملہ ہیں، تنظیم نے ان خواتین میں سے ایک کے حوالے سے بتایا ہے کہ جس سیل میں انہیں رکھا گیا ہےوہ بہت چھوٹا ہےاور یہ مسئلہ بعض معاملات میں خواتین کے مابین تنازعہ پیدا کرلیتاہے۔

تنظیم نے ایک بیان میں کہا ہے کہ ان میں سے کچھ خواتین کو طبی دیکھ بھال کی ضرورت ہے لیکن سعودی حکام نے کوئی قانونی تحفظ فراہم نہیں کیا، سعودی قانون کے تحت ، اس ملک میں نوکر مالک کے گھر سے نکلتے ہی غیر قانونی تارکین وطن سمجھا جاتا ہے، تنظیم کے مطابق ، سعودی عرب میں 30 لاکھ سے زیادہ تارکین وطن موجود ہیں جو اس ملک میں مزدور قانون کے تحفظ سے فائدہ نہیں اٹھا سکتے ہیں۔

ایمنسٹی انٹرنیشنل کے مشرق وسطی اور شمالی افریقہ کے ریجنل نائب آفس نے بتایا کہ طویل مدت کے لئے غیر ملکی خواتین ملازمین کی نظربندی 18 ماہ تک پہنچ چکی ہےجبکہ انہوں نے کوئی جرم نہیں کیا ہے ، لیکن اس کے باوجود وہ سخت اور غیر انسانی حالات کا شکار ہیں، ایمنسٹی انٹرنیشنل کی سرکاری ویب سائٹ کے مطابق ، تنظیم نے حراست کے عمل سے واقف 11 افراد سے بات کی ، جن میں کچھ ملازم خواتین، ایک کارکن اور ریاض میں سری لنکا کے سفارتخانے کے ایک عہدیدار شامل ہیں۔

حراستی مرکز میں موجود خواتین میں سے پانچ کو بد اخلاق ٹھیکیدار کے ہاتھوں سے فرار ہونے پر گرفتار کیا گیا ، انہیں اپنےٹھیکیدار سے ملک چھوڑنے کے لئے ضروری اجازت نہیں ملی ہے، ایک خاتون جو اپنے وطن واپس جانے کی منتظر ہیں نے کہا ہے کہ آخر کار انہوں نے کئی ماہ تک تنخواہ وقت پر نہ ملنے کی وجہ سے اکتوبر 2020 میں ملازمت چھوڑ دی، انہوں نے 2018 کے وسط میں سعودی عرب میں خادم کی حیثیت سے کام کرنا شروع کیا لیکن انھیں کام کی خاطر خواہ اور مستقل تنخواہ نہیں ملی۔