سعودی اتحاد یمنیوں میں تفرقہ پھیلانا چاہتا ہے:الحوثی

🗓️ 7 جنوری 2023

سچ خبریں:یمن کی سپریم سیاسی کونسل کے رکن محمد علی الحوثی نے اس بات پر زور دیا کہ جارحیت اور محاصرے کی وجہ سے بہت سی رکاوٹیں ہیں ،اسی وجہ سے ہم نے جنگ بندی میں توسیع کی مخالفت کی۔

یمن کی قومی نجات کی حکومت کی سپریم پولیٹیکل کونسل کے رکن محمد علی الحوثی نے کہا کہ جارح سعودی اتحاد ایسی صورتحال ایجاد کر کے جس میں نہ تو امن ہے اور نہ ہی جنگ، یمن کے اندرونی محاذ پر اثر انداز ہونے اور یمنیوں کے درمیان فتنہ پھیلانے کی کوشش کر رہا ہے ، محمد علی الحوثی نے زمار صوبے کے مقامی، انتظامی، عدالتی اور سکیورٹی حکام اور سماجی شخصیات کے ایک اجلاس میں کہا کہ جارحیت اور محاصرے کی وجہ سے بہت سی رکاوٹیں ہیں ، اسی وجہ سے ہم نے مخالفت کی اور ۔ جنگ بندی میں توسیع کو قبول نہیں کیا۔

یمن کی قومی سالویشن گورنمنٹ میں سپریم پولیٹیکل کونسل کے رکن نے اپنے بیان میں مزید کہا کہ ایسی حالت میں رہنا قابل قبول نہیں ہے جس میں نہ امن ہو نہ جنگ،انہوں نے کہا کہ آپ اور یمن کی دیگر عوام کی کوششوں سے ہم کہہ سکتے ہیں کہ حاصل ہونے والی پیشرفت سے دشمن کی سازش ختم ہو گئی ہے۔

یمن کی سپریم سیاسی کونسل کے اس رکن نے کہا کہ دشمن دو محاذوں پر کام کر رہا ہے؛ پہلا محاذ اندرونی صفوں میں کئی دھڑوں میں فتنہ پھیلانا ہے جس میں پارٹی، قبیلہ، علاقائی اور انتقامی اختلافات کو ہوا دینا شامل ہے اور دوسرا محاذ محاصرے کو جاری رکھنا ہے ہے تاکہ ادارے اور حوصلے پست ہو جائیں۔

محمد علی الحوثی نے کہا کہ سکیورٹی ادارے باخبر اور چوکس ہیں، اگر وہ آگاہ نہیں ہوں گے تو لوگ افواہوں، کارروائیوں، غیر ملکی کرائے کے قاتلوں کے منصوبوں کا نشانہ بن سکتے ہیں۔