سعودی اتحاد کی 24 گھنٹوں میں جنگ بندی کی 95 خلاف ورزیاں

?️ 16 اپریل 2022

سچ خبریں:یمن کے عسکری ذرائع نے 24 گھنٹوں کے دوران یمن پر سعودی اتحاد کی جانب سے 95 نئی جارحیتوں اور حملوں کی اطلاع دی ہے۔
یمنی ذرائع ابلاغ کی رپورٹ کے مطابق سعودی اتحاد اور اس سے وابستہ کرائے کے فوجیوں نے 24 گھنٹوں میں 95 بار انسانی اور فوجی طور پر جنگ بندی کی خلاف ورزی کی ہے،یمنی حکومت کی سرکاری خبر رساں ایجنسی سبا کے مطابق ایک فوجی ذریعے نے بتایا کہ سعودی اتحاد نے صوبہ مارب پر اپاچی جنگی طیاروں کے ذریعہ جارحانہ کارروائیوں کا ارتکاب کیا اور مارب کی فضائی حدود میں مسلح جاسوس طیاروں کی 64 پروازیں کیں۔

اسی طرح سعودی اتحاد نے مأرب، تعز، الجوف، حجه، صعده، البیضاء، الضالع، لحج، الحدیده، عمران اور صنعا میں جنگ بندی کی خلاف ورزی کی،ذرائع نے مزید کہا کہ جاسوس طیاروں نے شہریوں کے گھروں اور فوج اور عوامی کمیٹیوں کے مقامات پر تین بار حملہ کیا۔ ذریعہ نے کہا کہ جارح کرائے کے فوجیوں نے البلق میں جبل التعز کی چوٹی پر اور مارب میں الجوبہ نامی علاقے میں اپنی فوجی قلعہ بندی کی اور حملے کیے۔

اس کے علاوہ اتحادی افواج کے کرائے کے فوجیوں نے تعز کے الصلاوی علاقے میں السائلہ میں فوج اور عوامی کمیٹیوں کے مقامات پر دراندازی کی کارروائیاں کی ہیں۔