سعودی اتحاد جنگ بندی پر کاربند نہیں: یمنی عہدہ دار

?️ 10 اپریل 2022

سچ خبریں:یمن کی قومی سالویشن گورنمنٹ کے نائب وزیر خارجہ نے اپنے ایک ٹویٹ میں سعودی اتحاد کی جانب سے بار بار جنگ بندی کی خلاف ورزی کرنے اور اس پر عمل نہ کرنے کو کڑی تنقید کا نشانہ بنایا۔
یمن کی قومی سالویشن گورنمنٹ کے نائب وزیر خارجہ حسین العزیز نے ایک ٹویٹ میں لکھا کہ جنگ بندی کی خلاف ورزیوں میں اضافہ ہو رہا ہے، اس سلسلہ کا تازہ ترین معاملہ مأرب میں ہماری افواج کے ٹھکانوں کی وسیع پیمانے پر خلاف ورزی ہے۔

انہوں نے مزید کہا کہ اب تک صنعا کے ہوائی اڈے سے کوئی پرواز نہیں کی گئی ہےجبکہ بحری جہازوں کو بھی قبضے میں لیا جارہا ہے جنہیں اقوام متحدہ کی طرف سے جاری کردہ معائنہ اور لائسنس کے بعد بھی جیزان منتقل کیا جاتا ہے۔

یمن کی قومی سالویشن حکومت کے نائب وزیر خارجہ نے مزید کہا کہ یہ تمام اقدامات بین الاقوامی جنگ بندی کے باوجود ہو رہے ہیں جس کا پوری دنیا نے خیر مقدم کیا ہے،العزی نے آخر میں لکھا کہ ہمیں اس وقت ایسے دشمنوں کا سامنا ہے جو اپنے وعدوں کا احترام نہیں کرتے۔

رپورٹ کے مطابق یمن کے لیے اقوام متحدہ کے خصوصی ایلچی ہنس گرنڈبرگ نے بھی اس ملک میں جنگ بندی کی خلاف ورزیوں پر تشویش کا اظہار کرتے ہوئے زور دیا کہ جنگ بندی کی پابندی دونوں فریقوں کی ذمہ داری ہے۔