سازشوں کا مقابلہ کرنے سے دریغ نہیں کریں گے:یمن

🗓️ 20 مارچ 2022

سچ خبریں:یمن کی سپریم پولیٹیکل کونسل کے سربراہ نے یمنی عوام کے خلاف دشمنوں کی سازشوں کا ذکر کرتے ہوئے کہا کہ یمن سازشوں کا مقابلہ کرنے سے دریغ نہیں کرے گا۔
المسیرہ چینل کی رپورٹ کے مطابق یمن کی سپریم پولیٹیکل کونسل کے چیئرمین مہدی المشاط نے گزشتہ رات کہا کہ یمن میں جارح اتحاد کا طرز عمل ان کے حقیقی چہرے کو ظاہر کرتا ہے کیونکہ سعودی عرب اور متحدہ عرب امارات یمنی عوام کے محاصرے اور دباؤ سے لطف اندوز ہوتے ہیں۔

رپورٹ کے مطابق المشاط نے مزید کہا کہ سعودی عرب اور متحدہ عرب امارات ہی مغرب اور امریکہ کی پالیسیوں کو نافذ کرنے والے ہیں نیز یمنی عوام کے خلاف سازشوں کے پیچھے یہ دونوں ممالک ہیں،انہوں نے ان سازشوں کا مقابلہ کرنے کے لیے یمنیوں کے درمیان تعاون بڑھانے پر زور دیتے ہوئے کہاکہ اب تک اس تعاون نے یمنی عوام کے دشمنوں کو شکست دی ہے۔

یمن کی سپریم پولیٹیکل کونسل کے سربراہ نے کہاکہ یمنی عوام دشمنوں کے جھوٹ اور الزامات پر یقین نہیں کریں گے کیونکہ وہ بخوبی جانتے ہیں کہ ان کے مسائل اور پابندیوں کے پیچھے کون ہے،المشاط نے امن مذاکرات کے لیے ریاض کے منصوبے کا حوالہ دیتے ہوئے کہا کہ یہ منصوبہ بظاہر تو پرامن ہے لیکن باطنی طور پر یہ مزید جارحیت اور محاصرے کا باعث ہے۔