سابق صیہونی وزیر جنگ بھی نیتن یاہو کے خلاف؛اہم بیان

?️ 29 جولائی 2023

سچ خبریں: صیہونی حکومت کے سابق وزیر جنگ نے اس حکومت کے عدالتی نظام کو کمزور کرنے کی کابینہ کی کوششوں کے جواب میں کہا ہے کہ نیتن یاہو کی سپریم جوڈیشل کورٹ کے فیصلوں کی عدم تعمیل ان کی اخلاقی جرائم کی دلیل ہے۔

صیہونی حکومت کے سابق وزیر جنگ اور مقبوضہ فلسطینی علاقوں میں حکومتی کیمپ پارٹی کے سربراہ بینی گینٹز نے اس حکومت کے وزیر اعظم بنیامین نیتن یاہو کو سخت تنقید کا نشانہ بنایا۔

یہ بھی پڑھیں: ایک غیر قانونی ریاست کا سربراہ جس کی اس کے گھر میں بھی نہیں چلتی

سما نیوز ایجسنی کی ویب سائٹ کے مطابق صیہونی حکومت کے سابق وزیر جنگ بینی گانٹز نے کہا کہ بنیامین نیتن یاہو کی جانب سے عدالتی نظام کے جاری کردہ فیصلوں کا احترام نہ کرنا ان کا اخلاقی جرم ہے۔

یاد رہے کہ بنیامین نیتن یاہو کی سربراہی میں صیہونی حکومت کی کابینہ نے اقتدار میں آنے کے بعد وسیع پیمانے پر احتجاج کے باوجود اس حکومت کے عدالتی نظام کو کمزور کرنے کے لیے عدالتی اصلاحات” نامی منصوبے کی منظوری کے لیے کوششیں شروع کر دیں۔

صیہونی وزیر اعظم جن کے خلاف متعدد مقدمات چل رہے ہیں، مذکورہ منصوبے کی مکمل منظوری دے کر ان مقدمات سے فرار ہونے کی کوشش کر رہے ہیں۔

صیہونی سابق وزیر جنگ نے نیتن یاہو کا ذکر کرتے ہوئے اپنے بیان میں اس بات پر زور دیا کہ ایگزیکٹو برانچ کے سربراہ کو عدالت کے فیصلوں پر عمل کرنا چاہیے خواہ وہ ان سے متفق نہ ہوں۔

یاد رہے کہ گذشتہ ہفتے کے آغاز میں صیہونی کابینہ نے حزب اختلاف کی جماعتوں کے وسیع احتجاج اور ہزاروں افراد کے مظاہروں کے باوجود اپنے منصوبے کے ایک حصے کی منظوری دی تھی جسے غیر معقولیت کی شق کی منسوخی کہا جاتا ہے۔

مزید پڑھیں: نیتن یاہو اپنی حماقت کی قیمت چکا رہا ہے: برغوثی

صیہونی پارلیمنٹ میں اس بل کی منظوری کے بعد، صیہونی حکومت کی سپریم کورٹ، اگر وہ ایگزیکٹو برانچ کے فیصلوں کو غیر معقول سمجھتی ہے تو اسے پہلے کی طرح مداخلت کرنے اور ان فیصلوں کو منسوخ کرنے کا امکان نہیں رہے گا۔

دوسرے لفظوں میں یوں کہا جائے کہ صیہونی کابینہ آزادانہ اور بغیر عدالتی نظام کی مداخلت اپنے منصوبوں کو آگے بڑھا سکتی ہے۔