روس یورپ کے خلاف ایٹمی ہتھیار استعمال کرسکتا ہے؛زیلنسکی کا دعویٰ

?️ 25 اکتوبر 2022

سچ خبریں:یوکرین کے صدر نے اپنے ملک کے عوام سے بجلی کی کھپت کو مزید کم کرنے کا مطالبہ کرتے ہوئے دعویٰ کیا کہ روس واحد ملک ہے جو یورپی براعظم کے خلاف جوہری ہتھیار استعمال کر سکتا ہے۔

یوکرین کے صدر ولادیمیر زیلنسکی نے نیٹو اور امریکہ کو روس کے ساتھ فوجی جنگ میں شامل ہونے پر راضی کرنے میں اپنی ناکامی کے بعد اس سلسلہ میں ایک اور کوشش کرتے ہوئے ماسکو کے جوہری ہتھیاروں کا سہارا لینے کے امکان کا دعویٰ کیا۔

زیلنسکی نے ایک ویڈیو پیغام میں روسی وزیر دفاع سرگئی شوئیگو کے اپنے امریکی ہم منصب لائیڈ آسٹن کے ساتھ فون پر ہونے ہونے والی گفتگو کا حوالہ دیتے ہوئے دعویٰ کیا کہ ماسکو واحد ریاست ہے جو یورپی براعظم کے خلاف جوہری ہتھیار استعمال کرنے کی صلاحیت رکھتی ہے۔

روئٹرز خبر رساں ادارے کے مطابق انھوں نے کہا کہ اگر کوئی یورپ کے اس حصے میں جوہری ہتھیار استعمال کر سکتا ہے تو وہ صرف ایک ملک (روس) ہو گا ، یہ وہی ملک ہے جس نے شوئیگو کو حکم دیا تھا کہ ادھر ادھر فون کرکے جوہری ہتھیاروں کے استعمال کے بارے میں انتباہ دے۔

اپنی تقریر میں یوکرین کے صدر نے یوکرین میں بڑے پیمانے پر بلیک آؤٹ کے درمیان بجلی کے استعمال کو بچانے پر زور دیا اور اس ملک میں بجلی کی کٹوتی کو ضروری قرار دیا۔