سچ خبریں:روس نے یورپی یونین کے ساتھ کیے جانے والے والے تمام معاہدوں سے علیحدگی اختیار کرنے کا اعلان کیا ہے۔
روسی وزیراعظم میخائیل میشوستین کے جاری کردہ حکم کے مطابق، ماسکو منشیات کی لت کے خلاف جدوجہد، قدرتی آفات کی روک تھام اور بچاؤ سے متعلق یورپی یونین کی بین الاقوامی تعاون کونسل سے باہر نکل جائےگا، اس کے علاوہ روس نے یورپی یونین کے کلچرل فنڈ، سمعی بصری ریسرچ سینٹر سے بھی علیحدگی کا اعلان کردیا ہے۔
واضح رہے کہ روس چھبیس سال پہلے یورپی یونین میں شامل ہوا تھا اور انیس چھیانوے میں اس نے متعدد معاہدوں اور سمجھوتوں میں شمولیت اختیار کی تھی، تاہم یوکرین جنگ کے بعد روس اور یورپی ملکوں کے درمیان پیدا ہونے والی کشیدگی کے بعد ماسکو نے یورپی کونسل سے علیحدگی کے عمل کا آغاز کردیا ہے۔
یورپی یونین نے یوکرین کی جنگ کے بعد روس کے خلاف لاتعداد پابندیاں عائد کردی ہیں جن کے بارے میں مبصرین کا خیال ہے اس اقدام سے روس سے زیادہ مغربی ممالک کا نقصان ہو رہا ہے اس لیے کہ زیادہ تر مغربی ممالک کے ایندھن کا انحصار روس پر ہے اس کے علاوہ روس نے بھی جوابی اقدامات کرتے ہوئے یورپی ملکوں پر پابندیاں لگانے کا اعلان کیا ہے جس سے فریقین کے درمیان کشیدگی میں مزید اضافہ ہوگیا ہے۔