روس توانائی کو بطور ہتھیار استعمال کر رہا ہے:جرمنی کے صدراعظم

?️ 20 جولائی 2022

سچ خبریں:جرمنی کے چانسلر نے ایک تقریر میں دعویٰ کیا کہ روس کے صدر توانائی کو بطور ہتھیار استعمال کررہے ہیں۔
جرمن چانسلر اولاف شولٹز نے دعویٰ کیا کہ روسی صدر توانائی کو بطور ہتھیار استعمال کررہے ہیں،انہوں نے یہ کہتے ہوئے کہ پیوٹن توانائی کو ایک ہتھیار کے طور پر استعمال کررہے ہیں، زور دیا کہ ایسا عمل جو سرد جنگ کے دوران بھی سوویت یونین نے نہیں کیا تھا۔

جرمن چانسلر نے مزید کہا کہ ہمیں پیوٹن کا مقابلہ کرنا چاہیے اور انہیں طاقت کے ذریعے قانون کی خلاف ورزی کرنے کی اجازت نہیں دینا چاہیے کیونکہ یہ مسئلہ ہماری آزادی اور سلامتی کو خطرے میں ڈالتا ہے، انہوں نے مزید کہا کہ روسی میزائلوں نے نہ صرف یوکرین کے شہروں کو کھنڈرات میں تبدیل کر دیا ہے بلکہ یورپ اور دنیا کے امن کے ڈھانچے کو بھی تباہ کر دیا ہے، اس سے قبل جرمن محکمہ توانائی کے عہدیداروں میں سے ایک کلاؤس مولر نے خبردار کیا تھا کہ ان کا ملک سردیوں میں روسی گیس کے بغیر زندہ نہیں رہے گا۔

انہوں نے مزید کہا کہ جبکہ جرمنی کے گیس ٹینک تقریباً 65 فیصد بھرے ہوئے ہیں اور گزشتہ ہفتوں کے مقابلے میں صورتحال بہتر ہے، لیکن یہ ذخائر روسی گیس کے بغیر سردیاں گزارنے کے لیے اب بھی ناکافی ہیں۔