سچ خبریں:چین اور روس کی حکومتوں نے شامی صدر بشار الاسد کو ان کی انتخابی کامیابی پر مبارکباد دی ہے۔
روئٹرز خبر رساں ادارےکی رپورٹ کے مطابق چین کی وزارت خارجہ کے ترجمان ژاؤ لیجیان نے جمعہ کے روز اسد کو مبارکباد دی ،یادرہے کہ چین اور شام اچھے روایتی دوست ہیں جس کے نتیجہ میں چین شام کی خودمختاری ، آزادی اور علاقائی سالمیت کے تحفظ میں اس ملک کی بھر پور حمایت کرتا ہے،درایں اثناروسی صدر ولادیمیر پوتن نے بھی اپنے پیغام میں شام کے انتخابات میں بشار الاسد کی کامیابی پر انھیں مبارکباد پیش کی اور دہشت گردی کے خلاف جنگ ، سیاسی استحکام کو مستحکم کرنے اور ملک کی تعمیر نو میں ماسکو کی جانب سے دمشق کی حمایت پر زور دیا۔
یادرہے کہ شام کی پارلیمنٹ اسپیکر نے جمعرات کے روز اعلان کیا کہ بشار الاسد نے 95 فیصد سے زیادہ ووٹ حاصل کرکےاس ملک کے صدارتی انتخابات میں کامیابی حاصل کی ہے،شام کی پارلیمنٹ اسپیکر حمودہ صباغ نے انتخابی نتائج کا اعلان کرتے ہوئے ایک نیوز کانفرنس میں بتایا کہ 14 ملین 239 ہزار شامی باشندوں نے صدارتی انتخابات میں حصہ لیا۔
ان کا مزید کہنا تھا کہ بشار الاسد 13 ملین 540 ہزار اور 360 ووٹ حاصل کرنے میں کامیاب رہے جو 95.1 فیصد ووٹوں کے مترادف تھے،واضح رہے کہ شام کے صدارتی انتخابات میں بشار الاسد کی فیصلہ کن فتح کے اعلان کے بعد اس ملک کے عوام جشن منانے کے لئے مختلف شہروں میں سڑکوں پر نکل آئے۔
قابل ذکر ہے کہ یوروپی یونین نے شام کے صدارتی انتخابات کے نتائج کے اعلان سے قبل شام کی حکومت کے خلاف پابندیوں میں مزید ایک سال کی توسیع کردی ہے۔
