?️
سچ خبریں:مسجد الاقصی میں رمضان المبارک کے دوسرے جمعہ کو 250000 فلسطینی نمازیوں کی بے مثال حاضری کے بعد صیہونی اخبار نے اس مبارک مہینے کے تیسرے جمعہ کو صیہونی حکومت کے سکیورٹی اداروں کے لیے ایک اہم اور حقیقی امتحان قرار دیا۔
صیہونی اخبار ہارٹز کے عسکری تجزیہ کار آموس ہرئیل نے کہا کہ رمضان المبارک کا تیسرا جمعہ اور یہودیوں کی پسح عید ایک ساتھ ہیں لہٰذا یہ اسرائیل کے حفاظتی اداروں کے لیے ایک سنگین اور اہم امتحان ہو سکتا ہے جو رمضان المبارک کے شروع ہوتے ہی کسی بھی واقعے سے نمٹنے کے لیے الرٹ ہیں۔
ہرئیل نے نشاندہی کی کہ اسرائیلی سکیورٹی اداروں نے ماہ رمضان کے دوران مقبوضہ علاقوں میں کشیدگی اور تنازعات میں اضافے کے لیے خود کو تیار کیا تھا لیکن مغربی کنارے میں پہلا ہفتہ تقریباً پرامن رہا نیز مسجد اقصیٰ اور شہر قدس میں بھی یہی صورتحال رہی۔
انہوں نے اس بات پر زور دیا کہ فلسطینیوں کی اکثریت کے لیے عید الفطر تک حالات کا امن برقرار رکھنا اولین ترجیح ہے، اس صیہونی تجزیہ نگار نے صیہونی حکومت کے داخلی سلامتی کے وزیر ایتمار بن گوئر کے یہودیوں کی عید پسح کے موقع پر مسجد الاقصی پر مزید حملے کے خلاف خبردار کیا ہے۔
آموس ہرئیل نے کہا کہ بین گوئر اس عید کو بغیر شور شرابے اور ہنگامے کے نہیں گزار سکتے، واضح رہے کہ رمضان المبارک کے دوسرے جمعہ کی نماز مسجد الاقصی میں کم از کم ڈھائی لاکھ فلسطینی نمازیوں کی موجودگی میں ادا کی گئی جس سے صہیونی حلقوں میں خوف و ہراس پھیل گیا ہے۔
فلسطینی گروہوں نے اس واقعے کو غاصبوں پر فلسطینی قوم کی یقینی فتح کی علامت قرار دیا اور اس بات پر زور دیا کہ گذشتہ چند دہائیوں میں قدس اور مسجد اقصیٰ کی شناخت کی جنگ میں القدس کو فلسطین سے الگ کرنے کی صیہونی حکومت کی تمام کوششیں اور سازشیں ناکام ہو چکی ہیں۔
مشہور خبریں۔
وزیر خارجہ نے ایف اے ٹی ایف پر اٹھائے سوال
?️ 26 جون 2021اسلام آباد (سچ خبریں) وزیر خارجہ شاہ محمود قریشی نے پاکستان کو
جون
ایران، عراق اور شام کے وزرائے خارجہ کے درمیان بات چیت
?️ 5 نومبر 2021سچ خبریں: قبل ازیں عراقی وزیر خارجہ فواد حسین اور شام کے وزیر
نومبر
اسرائیل کی جانب سے میڈیا عمارت پر دہشت گردانہ حملہ جنگی جرائم کا سب سے بڑا ثبوت
?️ 16 مئی 2021(سچ خبریں) اسرائیلی فورسز نے غزہ سٹی میں مہاجر کیمپ پر اندھادھند
مئی
تمام غیرملکی پاکستان کے سیاسی معاملات سے دور رہیں، ترجمان دفتر خارجہ
?️ 29 نومبر 2024 اسلام آباد: (سچ خبریں) دفترخارجہ کی ترجمان ممتاز زہرا بلوچ نے
نومبر
ٹرمپ سے اچھا دوست نہیں ملا ہمیں اب تک : نیتن یاہو
?️ 1 اکتوبر 2025سچ خبریں:صیہونی وزیراعظم بنیامین نیتن یاہو نے واشنگٹن میں ٹرمپ کو اسرائیل
اکتوبر
ایرانی سائنسداں کے قتل کے بارے میں برطانوی اخبار کا انکشاف
?️ 11 فروری 2021سچ خبریں:ایک برطانوی ہفتہ وارجریدے نے اپنی ایک خصوصی رپورٹ میں خفیہ
فروری
انگریزی اساتذہ کی زبردست ہڑتال کا دوبارہ آغاز
?️ 2 فروری 2023سچ خبریں:انگلینڈ اور ویلز کے 120,000 سے زیادہ اساتذہ نے گزشتہ 10
فروری
صہیونی فوج میں خودکشی موت کی سب سے بڑی وجہ
?️ 19 اکتوبر 2021سچ خبریں:صیہونی حکام کی جانب سے شائع شدہ اعداد و شمار سے
اکتوبر