دشمن کے ساتھ سمجھوتہ کرنے والے بک چکے ہیں: مزاحمتی علماء کی عالمی یونین

?️ 5 جنوری 2022

سچ خبریں:مزاحمتی علماء کی عالمی یونین کے سربراہ نے صیہونی امریکی منصوبے کے خلاف جنگ کے شہیدوں جنرل قاسم سلیمانی اور ابو مہدی المہندس کے کردار اور مقام کو سراہتے ہوئے کہا کہ صیہونیوں کے ساتھ تعلقات کومعمول پر لانے والوں نے دشمن کے ہاتھوں اپنے آپ کو بیچ ڈالاہے۔
العہد نیوز چینل کی رپورٹ کے مطابق مزاحمتی علماء کی بین الاقوامی یونین کے صدر شیخ ماہر حمود نے کمانڈرز حاج قاسم سلیمانی اور ابو مہدی المہندس کی شہادت کی دوسری برسی کے موقع پر لبنان میں ایرانی سفارت خانے میں خطاب کرتے ہوئے کہاکہ سلیمانی اور المہندس صحیح مکتب اور حق کے راستے کے نمائندے ہیں اور آیت "وجاھدوا فی اللہ حق جہاد” کے حقیقی مصداق ہیں ۔

شیخ حمود نے مزید کہا کہ خدا ہمارے ساتھ ہے اور یہ عظیم راستہ مشن پر مبنی ہے نیز فتح کے بعد کا دن ان لوگوں کے لیے بہت قریب ہے جو اس کے منتظر ہیں، انہوں نے مزید کہاکہ صیہونی حکومت کے ساتھ سمجھوتہ کرکے دھوکہ کھانے والوں نے خود کو بیچ دیا اور امریکی منصوبے کا حصہ بن گئے۔

یادرہے کہ اس تقریب میں لبنان میں ایران کے سفیر محمد جلال فیروزنیا، حزب اللہ کے ڈپٹی سکریٹری جنرل شیخ نعیم قاسم، فلسطین کی جہاداسلامی موومنٹ کے سکریٹری جنرل زیاد النخالہ اور دیگر عہدیداروں اور رکن گروپوں کی بڑی تعداد نے شرکت کی۔