حشد الشعبی کو کمزور کرنے کی اجازت نہیں دیں گے: عراقی نمائندہ

سچ خبریں: عراقی پارلیمان کی سکیورٹی اور دفاع کمیٹی کے رکن صقر حسن نے تاکید کی ہے کہ حشد الشعبی فورسز ملکی خودمختاری کی ضامن ہیں اور ہم کبھی بھی ان کے مقام و مرتبے کو کوئی نقصان پہنچنے نہیں دیں گے۔

انہوں نے مزید کہا کہ دہشت گردوں کے خلاف حشد الشعبی فورسز کی قربانیاں عراق کی تاریخ کا حصہ ہیں۔ حشد الشعبی ایک سرکاری اور قانونی ادارہ ہے جس کا تحفظ کیا جانا چاہیے اور ملک کی حفاظت میں ان فورسز کے کردار کی حمایت کی جانی چاہیے۔

صقر حسن نے بیان کیا کہ عراق کے سکیورٹی ڈھانچے میں حشد الشعبی فورسز کو کمزور کرنے یا ان کے کردار میں تخفیف کرنے کی منصوبہ بندی کو کامیاب ہونے کی اجازت نہیں دی جانی چاہیے۔ ان فورسز کا تحفظ عراق کی خودمختاری اور سلامتی کا تحفظ ہے۔ اس ادارے کے بارے میں کوئی بھی بحث اور تنازع بیرونی دباؤ سے پاک ہو کر کی جانی چاہیے۔

واضح رہے کہ عراق میں دہشت گرد عناصر اور داعش کی باقیات کے خلاف جنگ میں حشد الشعبی فورسز کے کلیدی کردار کے پیش نظر، امریکہ اور اس سے وابستہ گروہ اس سرکاری ادارے کو ختم کرنے کے لیے شدید کوششیں کر رہے ہیں۔