سچ خبریں:صیہونی حکومت نے اعلان کیا کہ اسے امریکی جاسوسی ادارے کی طرف سے ایک وارننگ موصول ہوئی ہے جس سے ظاہر ہوتا ہے کہ حزب اللہ اپنی اعلان کردہ ڈیڈ لائن کے بارے میں سنجیدہ ہے۔
صیہونی اخبار معاریو نے اپنی ایک رپورٹ میں اعلان کیا ہے کہ امریکی جاسوس ادارے نے تل ابیب کو خبردار کیا ہے کہ حزب اللہ اسرائیل کے خلاف فوجی کارروائی کی تیاری کر رہی ہے، اس رپورٹ میں امریکی ثالث آموس ہوچسٹین نے صیہونی حکومت کے ساتھ لبنان کی سرحدیں معین کیے جانے سے متعلق ملاقاتوں کے بعد واشنگٹن کو یہ تاثر دیا کہ اگر یہ مسئلہ حل نہ ہوا تو حزب اللہ اپنے الٹی میٹم پر عمل کرے گی۔
صیہونی اخبار معاریو نے اپنی معلومات کو لبنانی اخبار الاخبار سے منسوب کرنے کی کوشش کرتے ہوئے لکھا کہ واشنگٹن نے اسرائیل پر اپنا دباؤ بڑھا دیا ہے کیونکہ اس نے اپنی انٹیلی جنس سروسز سے ایسی معلومات حاصل کی ہیں جن سے ظاہر ہوتا ہے کہ حزب اللہ لبنان میں گزشتہ 10 دنوں سے اپنی افواج کو منظم کر رہی ہے جس سے ظاہر ہوتا ہے کہ شاید یہ تنظیم فوجی آپریشن کی تیاری کر رہی ہے۔
درایں اثنا صیہونی حکومت کے چینل 12 نے اس سلسلے میں اپنی ایک رپورٹ میں مستقبل قریب میں حزب اللہ کے ساتھ تصادم کے امکان کے حوالے سے شمالی علاقہ کی کمان سے تعلق رکھنے والی دستاویز تک رسائی کا اعلان کیا ہے۔
