جہاد اسلامی کی دھمکیوں کو سنجیدگی سے لینا چاہیے:صہیونی میڈیا

?️ 4 اگست 2022

سچ خبریں:صیہونی حکومت فلسطینی جہاد اسلامی تحریک کے سینیئر رہنماوں میں سے ایک بسام السعدی کی صہیونی فوج کے ہاتھوں جنین کیمپ میں گرفتاری پر اس تحریک کی انتقامی کارروائی سے خوفزدہ ہے
المیادین چینل کی رپورٹ کے مطابق صہیونی میڈیا کا کہنا ہے صیہونی حکومت جہاد اسلامی تحریک کے ایک سینیئر رہنما بسام السعدی کی گرفتاری کے بعد اس تحریک کی جانب سے رد عمل کے خدشے کے پیش نظر غزہ کی سرحدوں میں کشیدگی پیدا ہونے کے حوالے سے شدید خوف و ہراس میں مبتلا ہے۔

رپورٹ کے مطابق صیہونی حکومت کے چینل 13 نے اعلان کیا ہے کہ جہاد اسلامی تحریک کے رہنما بسام السعدی کی گرفتاری کے بعد غزہ کی سرحدیں تاحال کشیدگی کا شکار ہیں، صیہونی حکومت کے ٹی وی چینل 13 کے عرب امور کے تجزیہ کار نے کہا کہ جہاد اسلامی کو وہ بہانہ مل گیا جو وہ چاہتی تھی کیونکہ انہیں معلوم ہے کہ اسرائیل ان میزائلوں سے خوفزدہ ہے جو داغے جائیں گے۔

صیہونی چینل کے عسکری امور کے تجزیہ کار یا ہلر نے بھی کہا کہ جب جہاد اسلامی کوئی دھمکی دے تو اسے سنجیدگی سے لینا چاہیے، صہیونی کان چینل نے یہ بھی اعلان کیا کہ جہاد اسلامی کی جانب سے کارروائیوں کے بارے میں انتباہ اس حکومت کے فوجی اور سکیورٹی اداروں کے لیے ایک سنگین خطرہ ہے۔