سچ خبریں: سابق امریکی صدر نے اس ملک کی موجودہ حکومت کو کلسٹر بم کیف بھیجنے کے بارے میں خبردار کیا ہے۔
رشیا ٹوڈے کی رپورٹ کے مطابق سابق امریکی صدر ڈونلڈ ٹرمپ نے موجودہ صدر جوبائیڈن کی انتظامیہ کو یوکرین کو کلسٹر بم بھیجنے کے بارے میں خبردار کرتے ہوئے کہا کہ واشنگٹن ہمیں تیسری جنگ عظیم کے قریب لا رہا ہے۔
یہ بھی پڑھیں: ترکی نے یوکرین کو کلسٹر بم دیا: خارجہ پالیسی کا دعویٰ
ٹروتھ سوشل کے نام سے مشہور اپنے سوشل میڈیا پر شائع ہونے والے ایک بیان میں ٹرمپ نے لکھا کہ جوبائیڈن کو جنگ کے خاتمے اور نااہل حکومت (بائیڈن کی حکومت) کی وجہ سے ہونے والی خوفناک ہلاکتوں اور تباہی کو روکنے کی کوشش کرنی چاہیے۔
ریاستہائے متحدہ کے 45 ویں صدر نے کلسٹر بموں کے استعمال کو انسانی ہمدردی اور اسٹریٹجک دونوں نقطہ نظر سے تنقید کا نشانہ بناتے ہوئے کہا کہ ناکارہ نہ ہونے والا یہ جنگی سازوسامان جنگ کے خاتمے کے بعد کئی دہائیوں تک یوکرین کے بے گناہ مردوں، عورتوں اور بچوں کی ہلاکت یا معذوری کا باعث بنے گا۔
ٹرمپ نے سی این این کو دیے جانے والے اپنے انٹرویو میں بائیڈن کے اس بیان کا جواب دیتے ہوئے جس میں انہوں نے کہا تھا کہ امریکہ نے روایتی 155 ایم ایم گولیاں ختم ہونے کی وجہ سے یوکرین کو کلسٹر بم بھیجنے کا فیصلہ کیا ہے، کہا کہ اگر یہ سچ ہے تو صرف اس کی فوری کمی باعث خونی ، خطرناک اور قابو سے باہر جنگ کا خاتمہ ہونا چاہیے۔
2024 کے امریکی صدارتی امیدوار نے زور دے کر کہا کہ اس کا یقینی طور پر مطلب یہ ہے کہ ہمیں اپنی آخری انوینٹری ایسے وقت میں یوکرین کو نہیں دینا چاہیے جب جو بائیڈن کے مطابق، ہمارے اپنے ہتھیاروں کے ذخائر خوفناک طریقے سے کم ہو چکے ہیں۔
مزید پڑھیں: یوکرین جنگ کے بارے میں امریکہ کا اعتراف؛روس کی زبانی
ٹرمپ نے کہا کہ یوکرین میں بائیڈن کی نہ ختم ہونے والی جنگ کی پالیسی نے امریکہ کو بری طرح کمزور کر دیا ہے،انہوں نے مزید کاہ کہ جو بائیڈن ہمیں خطرناک طریقے سے تیسری عالمی جنگ کی طرف لے جا رہے ہیں، ایک ایسی جنگ جو تصور سے باہر ایک ڈراؤنا خواب ہو گی۔ ہم فنا ہونے والے ہیں!
